UAE President | യുഎഇ പ്രസിഡന്റ് ശെയ്ഖ് ഖലീഫ ബിൻ സാഇദ് ആൽ നഹ്യാൻ അന്തരിച്ചു

അബുദബി: (www.kasargodvartha.com) യുഎഇ പ്രസിഡന്റ് ശെയ്ഖ് ഖലീഫ ബിൻ സാഇദ് ആൽ നഹ്യാൻ (73) അന്തരിച്ചു. 2004 നവംബർ മൂന്ന് മുതൽ യുഎഇ പ്രസിഡന്റും അബുദബി ഭരണാധികാരിയുമായി ശെയ്ഖ് ഖലീഫ പദവിയിൽ തുടരുകയായിരുന്നു. വെള്ളിയാഴ്ച ഉച്ചയ്ക്ക് ശേഷം യുഎഇ പ്രസിഡന്‍ഷ്യല്‍കാര്യ മന്ത്രാലയമാണ് നിര്യാണ വാര്‍ത്ത ഔദ്യോഗികമായി പുറത്തുവിട്ടത്. മരണത്തെ തുട‍ര്‍ന്ന് യുഎഇയിൽ 40 ദിവസത്തെ ഔദ്യോഗിക ദുഖാചരണം പ്രഖ്യാപിച്ചു.
                  
1948-ൽ ജനിച്ച ശെയ്ഖ് ഖലീഫ യുഎഇയുടെ രണ്ടാമത്തെ പ്രസിഡന്റും അബുദബി എമിറേറ്റിന്റെ 16-ാമത് ഭരണാധികാരിയുമായിരുന്നു. യുഎഇ സ്ഥാപക നേതാവ് ശെയ്ഖ് സാഇദിന്റെ മൂത്ത മകനാണ്. പിതാവിന്റെ വഴിയേ സഞ്ചരിച്ച അദ്ദേഹം ആധുനിക യുഎഇയുടെ മുന്നേറ്റത്തിൽ നിർണായക പങ്കുവഹിച്ച വ്യക്തിയാണ്.

രാജ്യത്തിന്റെ സാമ്പത്തിക വൈവിധ്യവൽക്കരണത്തിന് വിജയകരമായ സംഭാവന നൽകിയ അദ്ദേഹം എണ്ണ, വാതക മേഖലയുടെയും താഴ്ന്ന വ്യവസായങ്ങളുടെയും വികസനത്തിന് നേതൃത്വം നൽകി. യുഎഇയിലും മേഖലയിലും ഏറെ പ്രിയപ്പെട്ട വ്യക്തിയായിരുന്നു അദ്ദേഹം. < !- START disable copy paste -->