National Day Celebrations | യുഎഇ ദേശീയ ദിനം: ദുബൈയിൽ സൗജന്യമായി ആസ്വദിക്കാൻ 6 കാര്യങ്ങൾ

ദുബൈ: (KasargodVartha) യുഎഇ ദേശീയ ദിന (ഈദ് അൽ ഇത്തിഹാദ്) ആഘോഷത്തിന് ഒരുങ്ങുകയാണ്! രാജ്യത്തിന്റെ  53-ാം ജന്മദിനം ആഘോഷിക്കാൻ നാല് ദിവസത്തെ നീണ്ട വാരാന്ത്യം ലഭ്യമാണ്. സംഗീതം, പരേഡുകൾ, ഷോപ്പിംഗ് ഓഫറുകൾ ഒക്കെ ഉണ്ടാകും. എല്ലാവർക്കും ആഘോഷിക്കാൻ കഴിയുന്ന രീതിയിൽ നിരവധി സൗജന്യ പരിപാടികളും ഒരുക്കിയിട്ടുണ്ട്. ഇതെല്ലാം എന്താണെന്ന് അറിയാൻ ആഗ്രഹിക്കുന്നുണ്ടോ?

1. വെടിക്കെട്ട് 

ദേശീയ ദിനാഘോഷങ്ങളുടെ ഭാഗമായി വിവിധ എമിറേറ്റുകളിൽ അത്യുഗ്രൻ വെടിക്കെട്ട് ആസ്വദിക്കാൻ അവസരമുണ്ട്. അതിശയകരമായ പശ്ചാത്തലത്തിൽ നടക്കുന്ന ഈ പ്രദർശനങ്ങൾ അമ്പരപ്പിക്കും.

ഡിസംബർ 1: ബ്ലൂവാട്ടേഴ്‌സ് ആൻഡ് ദി ബീച്ച്, ജെബിആർ എന്നിവിടങ്ങളിൽ രാത്രി 8 മണിക്ക് ആരംഭിക്കുന്ന പടക്ക പ്രദർശനം കാണാൻ മറക്കരുത്.

ഡിസംബർ 2: ദുബൈ ഫെസ്റ്റിവൽ സിറ്റി മാളിൽ രാത്രി 9.10 ന് ഒരു അതിമനോഹരമായ വെടിക്കെട്ട്  പ്രദർശനം ഉണ്ടാകും. ഹത്ത സൈനിന് പിന്നിലെ പ്രദർശനം രാത്രി 8 മണിക്ക് ആരംഭിക്കും.

ഡിസംബർ 3: അൽ സീഫിൽ രാത്രി 9 മണിക്ക് നടക്കുന്ന പടക്ക പ്രദർശനം കാണുന്നതും മികച്ച അനുഭവമായിരിക്കും.

2. എമിറാത്തി സംസ്കാരം അടുത്തറിയാം 

ഡിസംബർ ഒന്നിന്, ദുബൈ എക്‌സ്‌പോ സിറ്റിയിലെ അൽ വാസൽ പ്ലാസയിൽ എല്ലാവർക്കുമായി തുറന്ന സൗജന്യ പരിപാടി സംഘടിപ്പിക്കുന്നു. യുഎഇയുടെ പരമ്പരാഗതമായ സംസ്കാരം അടുത്തറിയാൻ ഇത് ഒരു അവസരമാണ്. സമയം: ഉച്ചയ്ക്ക് ഒരു മണി മുതൽ ഏഴ് വരെ.

● സംഗീതം: ഫിർദൗസ് ഓർക്കസ്ട്രയുടെ അൽ ഇത്തിഹാദ് സിംഫണി അവതരിപ്പിക്കും.
● നൃത്തം: അൽ അയ്യാല, പരമ്പരാഗത എമിറാത്തി നൃത്തം, ആസ്വദിക്കാം.
● കഥാപാത്രങ്ങൾ: എക്‌സ്‌പോ ഭാഗ്യചിഹ്നങ്ങളായ  റാഷിദിനെയും ലത്തീഫയെയും കാണാം 

എങ്ങനെ എത്താം?

● കാറിൽ - സന്ദർശകർക്ക് ടെറ പബ്ലിക് പാർക്കിംഗ് ഏരിയയിൽ പാർക്ക് ചെയ്യാം. എക്സ്പോ സിറ്റി പാർക്കിങ്ങിനുള്ള അടയാളങ്ങൾ പാലിച്ച്, ഷെയ്ഖ് മുഹമ്മദ് ബിൻ സായിദ് റോഡ് (E311) അല്ലെങ്കിൽ ഷെയ്ഖ് സായിദ് ബിൻ ഹംദാൻ അൽ നഹ്യാൻ സ്ട്രീറ്റിൽ (D54) എക്സ്പോ റോഡ് (E77) ഉപയോഗിക്കുക.
● ദുബൈ മെട്രോ വഴി - എക്സ്പോ 2020 സ്റ്റേഷനിലേക്കുള്ള ദുബൈ മെട്രോ റെഡ് ലൈൻ ആണ് ഏറ്റവും സൗകര്യപ്രദമായ മാർഗം.

3.  മാളുകളിൽ സാംസ്കാരിക ആഘോഷം 

ദുബൈയിലെ മാളുകൾ സാംസ്കാരിക ആഘോഷത്തിന്റെ കേന്ദ്രങ്ങളായി മാറും. ഷോപ്പിങ്ങിനിടയിൽ എമിറാത്തി പൈതൃകം നിറഞ്ഞ് നൽകുന്ന വിധം പലതരം പ്രകടനങ്ങൾ ഇവിടെ അരങ്ങേറും. അൽ അയ്യാല  എന്ന നൃത്തം കണ്ടാൽ എമിറാത്തി ജീവിതത്തിന്റെ തനിമ അനുഭവപ്പെടും. താളാത്മകമായ സംഗീതത്തിനൊപ്പം കൈകളും തലയും ചേർന്നുള്ള അത്ഭുതകരമായ ചലനങ്ങൾ ആകർഷിക്കും. 

ഇതോടൊപ്പം, അൽ ഹർബിയ എന്ന പരമ്പരാഗത നൃത്തവും സംഗീതവും കാത്തിരിക്കുന്നു. പുരുഷന്മാർ അവതരിപ്പിക്കുന്ന ഈ കലാരൂപം അതിന്റെ തനിമയിൽ അമ്പരപ്പിക്കും. യോല ബാൻഡുകളുടെ പ്രകടനവും മറക്കാനാവാത്ത അനുഭവമായിരിക്കും. കൈകളുടെയും തലകളുടെയും സമന്വയിപ്പിച്ച ചലനങ്ങൾ താളാത്മകമായ അറബിക് സംഗീതത്തോടൊപ്പം അവതരിപ്പിക്കുന്ന ഈ പ്രകടനം ഉന്മാദത്തിലാക്കും.

4. അൽ ഷിന്ദഗ മ്യൂസിയത്തിൽ സാംസ്കാരിക പരിപാടികൾ 

ദുബൈയിലെ അൽ ഷിന്ദഗ മ്യൂസിയം ഈദ് അൽ ഇത്തിഹാദ് ആഘോഷിക്കുന്നതിനായി നവംബർ 28 മുതൽ ഡിസംബർ 3 വരെ വൈകുന്നേരം 4 മുതൽ രാത്രി 11 വരെ സൗജന്യ സാംസ്കാരിക പരിപാടികൾ സംഘടിപ്പിക്കുന്നു. ഈ പരിപാടികളിൽ പ്രകടനങ്ങൾ, ബാൻഡുകൾ, സാംസ്കാരികവും സാഹിത്യപരവുമായ പരിപാടികൾ, പ്രാദേശിക പൈതൃകത്തെക്കുറിച്ചുള്ള ശിൽപശാലകൾ എന്നിവ ഉൾപ്പെടുന്നു. ഈ മ്യൂസിയം ദുബൈയുടെ പഴയ കാലത്തെ ജീവിതം എങ്ങനെയായിരുന്നു എന്ന് കാണിച്ചുതരുന്നു. 19-ആം നൂറ്റാണ്ട് മുതൽ 1970 വരെ ദുബൈ എങ്ങനെയായിരുന്നു എന്ന് ഇവിടെ അറിയാം. 

5. ഇത്തിഹാദ് മ്യൂസിയത്തിൽ സൗജന്യ പ്രവേശനം

ഡിസംബർ ഒന്ന് മുതൽ 3 വരെ, വൈകുന്നേരം 5 മുതൽ രാത്രി 9 വരെ, യുഎഇയുടെ സ്ഥാപക മൂല്യങ്ങളായ ഐക്യം, സഹിഷ്ണുത, കല, സംസ്കാരം എന്നിവ ആഘോഷിക്കുന്നതിനായി ഇത്തിഹാദ് മ്യൂസിയം പ്രത്യേക പരിപാടികൾ സംഘടിപ്പിക്കുന്നു. ഈ മൂന്നു ദിവസങ്ങളിലും പ്രവേശനം സൗജന്യമാണ്! 1971-ൽ യുഎഇയുടെ ഭരണഘടന ഒപ്പുവെച്ച ചരിത്രപ്രധാനമായ യൂണിയൻ ഹൗസിനു സമീപത്തായാണ് ഇത്തിഹാദ് മ്യൂസിയം സ്ഥിതി ചെയ്യുന്നത്. യുഎഇയുടെ ചരിത്രത്തെക്കുറിച്ച് കൂടുതൽ അറിയാൻ ആഗ്രഹിക്കുന്നവർക്ക് ഇത് ഒരു അവസരമാണ്.

6. ദുബൈ പൊലീസിന്റെ പരേഡ് 

ഡിസംബർ രണ്ടിന് വൈകീട്ട് 4 മുതൽ 6 വരെ, അൽ വാസലിലെ ഹാപ്പിനസ് സ്ട്രീറ്റിൽ നിന്ന് സിറ്റി വാക്കിലേക്ക് അത്ഭുതകരമായ പരേഡ് സംഘടിപ്പിക്കുന്നു. ഈ പരേഡിൽ ദുബൈ പൊലീസിന്റെ മാർച്ചിംഗ് ബാൻഡ്, കുതിരപ്പുറത്തുള്ള പൊലീസുകാർ, പൊലീസ് അക്കാദമിയിലെ വിദ്യാർത്ഥികൾ എന്നിവർ പങ്കെടുക്കും. ഈ പരേഡ് എമിറാത്തി സംസ്കാരത്തിന്റെ സമ്പന്നമായ പൈതൃകം പ്രദർശിപ്പിക്കുന്ന ഒരു അവിസ്മരണീയ അനുഭവമായിരിക്കും. പരമ്പരാഗത നൃത്തങ്ങളും പ്രകടനങ്ങളും കാണികൾക്ക് ഒരു കാർണിവൽ അന്തരീക്ഷം സൃഷ്ടിക്കും.

 #UAE, #NationalDay, #DubaiCelebrations, #FreeEvents, #Fireworks, #CulturalActivities