സഊദിയില് വാഹനങ്ങള് കൂട്ടിയിടിച്ച് അപകടം; 2 പേര് മരിച്ചു, 9 പേര്ക്ക് പരിക്ക്
റിയാദ്: (www.kasargodvartha.com 13.11.2021) സഊദി അറേബ്യയില് വാഹനങ്ങള് കൂട്ടിയിടിച്ചുണ്ടായ അപകടത്തില് രണ്ടുപേര് മരിച്ചു. ഒമ്പത് പേര്ക്ക് പരിക്കേറ്റു. ജിദ്ദ - മക്ക എക്സ്പ്രസ് വേയിലാണ് വാഹനങ്ങള് കൂട്ടിയിടിച്ച് അപകടമുണ്ടായത്. പരിക്കേറ്റവരില് ഒരാളുടെ നില ഗുരുതരമാണെന്നാണ് റിപോര്ട്. അപകടമുണ്ടായ ഉടന് തന്നെ റെഡ് ക്രസന്റ് ആംബുലന്സ് സംഘങ്ങള് സ്ഥലത്തെത്തി രക്ഷാപ്രവര്ത്തനം നടത്തി.
ഗുരുതരമായി പരിക്കേറ്റയാളെ നാഷണല് ഗാര്ഡ് ആശുപത്രിയിലേക്കാണ് മാറ്റിയത്. പരിക്കേറ്റ ഏഴ് പേരെ മക്ക അല്നൂര് സ്പെഷ്യലിസ്റ്റ് ആശുപത്രി, മക്ക അല് സാഹിര് കിങ് അബ്ദുല് അസീസ് ആശുപത്രി എന്നിവിടങ്ങളിലേക്ക് മാറ്റി. ഒരാള്ക്ക് സംഭവ സ്ഥലത്തുവച്ച് പ്രാഥമിക ശുശ്രൂഷ നല്കുകയും ചെയ്തു.
Keywords: Riyadh, News, Gulf, World, Top-Headlines, Accident, Death, Injured, Hospital, Two people were killed and 9 injured in a collision
