ഷാര്‍ജ-മേല്‍പറമ്പ് ജമാഅത്ത് കമ്മിറ്റി ഇഫ്താര്‍ സംഗമം നടത്തി

ഷാര്‍ജ: ഷാര്‍ജ-മേല്‍പറമ്പ് ജമാഅത്ത് കമ്മിറ്റിയുടെ ആഭിമുഖ്യത്തില്‍ റോളയിലെ തലശ്ശേരി റെസ്‌റ്റൊറന്റില്‍ ഇഫ്താര്‍ സംഗമം നടത്തി. മെഗാമാള്‍ മസ്ജിദ് ഇമാം ബദറുദ്ദീന്‍ സഖാഫി മുഖ്യ പ്രാഭാഷണം നടത്തി. നോമ്പുകാരന്‍ അവന്റെ ദേഹേച്ഛകളില്‍ നിന്നും വിട്ടു നില്‍ക്കുകയും, നാവിനെ നിയന്ത്രിക്കുക്കയും ചെയ്തുവെങ്കില്‍ മാത്രമേ നോമ്പിന്റെ പൂര്‍ണ പ്രതിഫലം ലഭിക്കുകയുള്ളൂ എന്ന് അദ്ദേഹം ഓര്‍മിപ്പിച്ചു.

കീഴൂര്‍-ചെമ്പരിക്ക സംയുക്ത ജമാഅത്ത് പ്രസിഡന്റ് എം എ മുഹമ്മദ് കുഞ്ഞി സംഗമം ഉദ്ഘാടനം ചെയ്തു. ഷാര്‍ജ കമ്മിറ്റി പ്രസിഡന്റ് നിയാസ് ചേടി കമ്പനി അധ്യക്ഷത വഹിച്ചു. ദുബൈ കമ്മിറ്റി സെക്രട്ടറി റാഫി പള്ളിപ്പുറം പ്രസംഗിച്ചു. റഹ്മാന്‍ കൈനോത്ത്, അസീസ് സി ബി, ഹനീഫ് മരവയല്‍, അഷ്‌റഫ് ബോസ്, സുലൈമാന്‍ സിലോണ്‍, റൗഫ്, ഫസല്‍ റഹ്മാന്‍ കുന്നരിയത്ത്, ഖലീല്‍ സ്‌റ്റോര്‍, അസര്‍ കൈനോത്ത്, അസീസ് മരവയല്‍, കായിഞ്ഞി തോട്ടി, ദാവൂദ് കട്ടകാല്‍ തുടങ്ങിയവര്‍ പങ്കെടുത്തു. ഷാര്‍ജ കമ്മിറ്റി ട്രഷറര്‍ അഹ്മദ് ഡിംഗ് ടോങ് സ്വാഗതവും സെക്രട്ടറി ഷംസീര്‍ നന്ദിയും പറഞ്ഞു.