സയ്യിദ് ഫഖ്‌റുദ്ദീന്‍ തങ്ങള്‍ ബഹ്‌റൈന്‍ സമസ്ത പ്രസിഡണ്ടായി ചുമതലയേറ്റു

ദുബൈ: മൂന്ന് പതിറ്റാണ്ടിലേറെയായി ബഹ്‌റൈനിലെ സാംസ്‌കാരിക, പ്രബോധന മേഖലകളിലെ നിറസാന്നിധ്യവും ബഹുഭാഷാ പണ്ഡിതനുമായ സയ്യിദ് ഫഖ്‌റുദ്ദീന്‍ തങ്ങള്‍ സമസ്ത കേരള സുന്നീ ജമാഅത്ത് ബഹ്‌റൈന്‍ കേന്ദ്രകമ്മിറ്റിയുടെ പ്രസിഡണ്ടായി ചുമതലയേറ്റു.

സമസ്ത കേരള ജംഇയ്യത്തു ഉലമാ കേന്ദ്രമുശാവറാ അംഗവും പ്രമുഖ പണ്ഡിതനുമായ നെല്ലായ കുഞ്ഞിമുഹമ്മദ് മുസ്ലിയാര്‍ സയ്യിദ് ഫഖ്‌റുദ്ദീന്‍ തങ്ങളെ പ്രസിഡന്റായി പ്രഖ്യാപിച്ചു. പ്രവാചക കുടുംബത്തെ ആദരിക്കുകയും മുമ്പില്‍ നിര്‍ത്തുകയും ചെയ്ത പാരമ്പര്യമാണ് സമസ്തക്കും മുന്‍കാല പണ്ഡിതര്‍ക്കുമുള്ളതെന്ന് ചടങ്ങില്‍  ഉദ്‌ബോധന പ്രസംഗം നടത്തിയ റഫീഖ് സക്കറിയ ഫൈസി അഭിപ്രായപ്പെട്ടു.

പ്രബോധന വീഥിയില്‍ താന്‍ എപ്പോഴും സജ്ജനാണന്നും പ്രബോധന പ്രവര്‍ത്തനങ്ങള്‍ക്കായി ഓടിയെത്തുമെന്നും സയ്യിദ് ഫഖ്‌റുദ്ധീന്‍ തങ്ങള്‍ പ്രസംഗത്തില്‍ പറഞ്ഞു. സമസ്ത ഉപാധ്യക്ഷന്‍ കുന്നോത്ത് കുഞ്ഞബ്ദുല്ല ഹാജി, റൈഞ്ച് ജംഇയ്യത്തു മുഅല്ലിമീന്‍ പ്രസിഡണ്ട് ഹംസ അന്‍വരി മോളൂര്‍, എസ്.കെ.എസ്.എസ്.എഫ് പ്രസിഡണ്ട് മുഹമ്മദലി ഫൈസി വയനാട്, സമസ്ത കോഡിനേറ്റര്‍ മൂസ മുസ്ലിയാര്‍, പി.ടി.എ പ്രതിനിധി ബക്കര്‍ സാഹിബ് എന്നിവര്‍ സംസാരിച്ചു.

സമസ്ത ട്രഷറര്‍ കുഞ്ഞിമുഹമ്മദ്ഹാജി, സലിം ഫൈസി പന്തീരിക്കര, അബ്ദുര്‍ റഹ്മാന്‍ ഹാജി റഫ, അഷ്‌റഫ് കാട്ടി പീടിക, ഷറഫുദ്ദീന്‍ മാരായമംഗലം എന്നിവര്‍ യോഗത്തില്‍ സംബന്ധിച്ചു. സമസ്ത ആക്ടിംഗ് പ്രസിഡന്റ് സൈതലവി മുസ്‌ലിയാറുടെ അധ്യക്ഷതയില്‍  ചേര്‍ന്ന യോഗത്തില്‍ ജനറല്‍ സെക്രട്ടറി എസ്.എം അബ്ദുല്‍ വാഹിദ് സ്വാഗതവും ശഹീര്‍ കാട്ടാമ്പള്ളി നന്ദിയും പറഞ്ഞു.


Keywords : Dubai, Samastha, Gulf, Sayyid Fakrudheen Thangal, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam kathakal, Live malayalam news, News Kerala, Malayalam gulf news.