Arrested | വ്യാജ ഇന്ധനം വില്പന നടത്തിയെന്ന കേസ്; സഊദിയില് ഗ്യാസ് സ്റ്റേഷന് ഉടമ അറസ്റ്റില്
Sep 2, 2022, 09:36 IST
റിയാദ്: (www.kasargodvartha.com) സഊദി അറേബ്യയില് വ്യാജ ഇന്ധനം വില്പന നടത്തിയെന്ന കേസില് ഗ്യാസ് സ്റ്റേഷന് ഉടമയെ വാണിജ്യ മന്ത്രാലയം അധികൃതര് അറസ്റ്റ് ചെയ്തു. വാണിജ്യ വഞ്ചന നിയമ പ്രകാരമാണ് ഇയാളെ ജിസാന് മേഖലയിലെ ക്രിമിനല് കോടതി വിധിക്ക് ശേഷം അറസ്റ്റ് ചെയ്തതെന്ന് അധികൃതര് അറിയിച്ചു. പ്രതിക്കെതിരെ പിഴ വിധിച്ചിട്ടുണ്ട്.
തനിക്കെതിരെ പുറപ്പെടുവിച്ച വിധി ഇയാള് സ്വന്തം ചെലവില് രണ്ട് പത്രങ്ങളില് പ്രസിദ്ധീകരിക്കാനും ഉത്തരവിട്ടിട്ടുണ്ട്. പരിശോധനയില് ഇന്ധനത്തില് മറ്റ് വസ്തുക്കള് കലര്ത്തുന്നതായി കണ്ടെത്തിയതിനെ തുടര്ന്നാണ് നടപടിയെടുത്തതെന്നും റിപോര്ടുകള് വ്യക്തമാക്കുന്നു.
അതേസമയം വാണിജ്യ വിരുദ്ധ തട്ടിപ്പിന് രണ്ടു ദശലക്ഷം റിയാല് വരെ പിഴയോ മൂന്നു വര്ഷം തടവും അല്ലെങ്കില് രണ്ടും കൂടിയോ ആണ് ശിക്ഷയായി ലഭിക്കുക. ഇതിന് പുറമെ നിയമലംഘകരെ അപകീര്ത്തിപ്പെടുത്തുന്നതിനും സഊദി പൗരന്മാര് അല്ലാത്തവരെ രാജ്യത്ത് നിന്ന് നാടുകടത്തുന്നതിനും വ്യവസ്ഥയുണ്ട്.
Keywords: Riyadh, news, Gulf, World, Top-Headlines, Crime, arrest, case, court, Saudi: MOC defames owner of gas station for selling fake fuel.
