യുഎഇ, അര്‍ജെന്റീന, ദക്ഷിണാഫ്രിക എന്നിവിടങ്ങളിലെ യാത്രാ വിലക്ക് പിന്‍വലിച്ച് സൗദി

By WebDesk OmegaSep 8, 2021, 09:15 IST

റിയാദ്: (www.kasargodvartha.com 08.09.2021) യുഎഇ, അര്‍ജെന്റീന, ദക്ഷിണാഫ്രിക എന്നിവിടങ്ങളിലെ യാത്രാ വിലക്ക് പൂര്‍ണമായും പിന്‍വലിച്ച് സൗദി. കോവിഡ് സാഹചര്യത്തില്‍ യാത്രാ നിരോധനം ഏര്‍പ്പെടുത്തിയ രാജ്യങ്ങളുടെ പട്ടികയില്‍ നിന്നാണ് ഈ മൂന്ന് രാജ്യങ്ങളെ ഒഴിവാക്കിയത്. സൗദി ആഭ്യന്തര മന്ത്രാലയമാണ് ഇക്കാര്യം അറിയിച്ചത്.

യുഎഇ, അര്‍ജെന്റീന, ദക്ഷിണാഫ്രിക എന്നീ രാജ്യങ്ങളില്‍ നിന്നുമുള്ളവര്‍ക്ക് ബുധനാഴ്ച്ച രാവിലെ 11 മണി മുതല്‍ കര അതിര്‍ത്തി പോസ്റ്റുകളും തുറമുഖങ്ങളും എയര്‍പോര്‍ടുകളും വഴി സൗദിയില്‍ പ്രവേശിക്കാവുന്നതാണ്. ഈ മൂന്നു രാജ്യങ്ങളിലേക്കും യാത്ര പോകുന്നതിന് സൗദി പൗരന്മാര്‍ക്ക് അനുമതി നല്‍കിയിട്ടുമുണ്ട്.