രണ്ടര പതിറ്റാണ്ടുകള്‍ക്ക് ശേഷം സൗദി-ഇറാഖ് അതിര്‍ത്തി തുറക്കാന്‍ ധാരണ

By Web Desk SUAug 16, 2017, 15:31 IST

ജിദ്ദ: (www.kasargodvartha.com 16/08/2017) 27 വര്‍ഷങ്ങള്‍ക്ക് മുമ്പ് അടച്ചിട്ട സൗദി-ഇറാഖ് അതിര്‍ത്തി തുറക്കാന്‍ ധാരണയായി. ഹജ്ജ് സീസണ്‍ ആയത് കൊണ്ട് തന്നെ തീര്‍ഥാടകര്‍ക്ക് ഏറെ ആശ്വാസകരമാകുന്നതാണ് അതിര്‍ത്തി തുറക്കാനുള്ള തീരുമാനം. വ്യാപാര രംഗം ലക്ഷ്യമിട്ടാണ് പുതിയ തീരുമാനമെന്നാണ് വിവരം. മക്ക ന്യൂസ് പേപ്പറാണ് ഇതുസംബന്ധിച്ച വാര്‍ത്ത പുറത്ത് വിട്ടത്.

സൗദി-ഇറാഖ് അതിര്‍ത്തിയായ അറാര്‍ മേഖല 1990 കളിലാണ് അടച്ചു പൂട്ടിയത്. ഇരുവിഭാഗങ്ങളും തമ്മില്‍ നടത്തിയ ചര്‍ച്ചയ്ക്ക് ശേഷമാണ് അതിര്‍ത്തി തുറക്കുന്നത് സംബന്ധിച്ച തീരുമാനത്തില്‍ എത്തിത്.