സമസ്ത റബീഉല്‍ അവ്വല്‍ ഉംറ; രണ്ടാം ഘട്ട ക്ലാസ് ആരംഭിച്ചു

മനാമ: സമസ്ത കേരള സുന്നി ജമാഅത്ത് ബഹ്‌റൈന്‍ കേന്ദ്ര കമ്മിറ്റിയുടെ കീഴില്‍ റബീഉല്‍ അവ്വലില്‍ പുറപ്പെടുന്ന രണ്ടാം ഘട്ട യാത്രാ സംഘത്തിന് മനാമയിലെ സമസ്ത ഓഫീസില്‍ പഠന ക്ലാസ് ആരംഭിച്ചു.ജനുവരി 22 ന് പുറപ്പെടുന്ന സംഘത്തിനാണ് കഴിഞ്ഞ ദിവസം യാത്രാ വിവരണ പഠന ക്ലാസ് ആരംഭിച്ചത്.

ക്ലാസ് സമസ്ത ബഹ്‌റൈന്‍ പ്രസിഡണ്ട് സയ്യിദ് ഫഖ്‌റുദ്ദീന്‍ കോയ തങ്ങള്‍ ഉദ്ഘാടനം ചെയ്തു. ഉമറുല്‍ ഫാറൂഖ് ഹുദവി ക്ലാസെടുത്തു. യാത്ര അമീര്‍ ഹംസ അന്‍വരി മോളൂര്‍, കോ-ഓര്‍ഡിനേറ്റര്‍ മൂസ മൗലവി, ട്രഷറര്‍ വി.കെ. കുഞ്ഞഹമ്മദ് ഹാജി എന്നിവര്‍ സംബന്ധിച്ചു. ജന. സെക്രട്ടറി എസ്.എം. അബ്ദുല്‍ വാഹിദ് സ്വാഗതവും കളത്തില്‍ മുസ്തഫ നന്ദിയും പറഞ്ഞു.

സമസ്ത ബഹ്‌റൈന്‍ മനാമ കേന്ദ്ര ഓഫീസില്‍ ആരംഭിച്ച ഉംറ ക്ലാസ് പ്രസിഡണ്ട് സയ്യിദ് ഫഖ്‌റുദ്ദീന്‍ കോയ തങ്ങള്‍ ഉദ്ഘാടനം ചെയ്യുന്നു

റബീഉല്‍ അവ്വല്‍ ആദ്യവാരം രണ്ടു ബസുകളിലായി പുറപ്പെട്ട ഉസ്താദ് ഉമറുല്‍ ഫാറൂഖ് ഹുദവിയുടെ നേതൃത്വത്തിലുള്ള പ്രഥമ സംഘം കഴിഞ്ഞ ദിവസം രാവിലെ തിരിച്ചെത്തിയിട്ടുണ്ട്. ഇവര്‍ക്കുള്ള സ്വീകരണം ചൊവ്വാഴ്ച രാത്രി എട്ട് മണിക്ക് ഓഫീസ് ഹാളില്‍ നടക്കും.

പരിചയ സമ്പന്നരായ അമീറുമാരുടെ നേതൃത്വത്തില്‍ നടന്നുവരുന്ന സമസ്തയുടെ ഉംറ യാത്രാ സംഘത്തിന്ന് യാത്രക്ക് മുമ്പും യാത്രയിലും പഠന ക്ലാസുകളും എല്‍.സി.ഡി വീഡിയോ മുഖേനയുള്ള വിവരണവും നല്‍കിവരുന്നുണ്ട്. വിശദവിവരങ്ങള്‍ക്ക് 33049112, 34090450, 33248017, 33157219 നമ്പറുകളില്‍ ബന്ധപ്പെടാം.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.