'തന്റേടം എന്നാല്‍ തന്റെ ഇടമാണെന്നത് മറക്കരുത്'

By kvarthakgd1Nov 11, 2013, 09:00 IST

അബുദാബി: തന്റേടം എന്നാല്‍ തന്റെ ഇടമാണെന്ന ബോധ്യം മലയാളിക്ക് നഷ്ടപ്പെട്ട് കൊണ്ടിരിക്കുകയാണെന്ന് മാധ്യമപ്രവര്‍ത്തകന്‍ എന്‍.വി അനില്‍കുമാര്‍ പറഞ്ഞു. രിസാല സ്റ്റഡി സര്‍ക്കിള്‍ ഗള്‍ഫ് നാടുകളില്‍ നടത്തുന്ന 'ശ്രേഷ്ഠം മലയാളം' പഠന കാലത്തിന്റെ ഭാഗമായി അബുദാബി സോണ്‍ സംഘടിപ്പിച്ച 'മലയാളത്തിന്റെ ദേശം പരദേശം' എന്ന സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം.

തന്റേടം നഷ്ടപ്പെടുന്നതുകൊണ്ടാണ് വിദേശ ഭാഷയും സംസ്‌കാരവും മലയാളികളെ പിടിമുറുക്കുന്നത്. ഭാഷ നശിക്കുക എന്നാല്‍ സംസ്‌കാരം നശിക്കുക എന്നതാണ്. ലോകത്ത് 500 ഓളം ഭാഷകള്‍ ഇല്ലാതായി. സംസ്‌കാരവും നാമാവശേഷമായി. മലയാളത്തിന്റെ അച്ഛന്‍ എഴുത്തച്ഛനാണെങ്കില്‍, ഇന്ന് മലയാളത്തിന്റെ അമ്മ, വികൃതമായ മലയാളം പറയുന്ന രഞ്ജിനി ഹരിദാസാണ്. ടെലിവിഷന്‍ ചാനലിലെ അവതാരകരില്‍ പലര്‍ക്കും സ്വന്തം പേര് പോലും ശരിയാംവണ്ണം ഉച്ചരിക്കാന്‍ അറിയില്ല. ശ്വേതാ മേനോന്‍ സ്വന്തം പേര് പറയുന്നത് ശത മേനോന്‍ എന്നാണ്.

'തന്റേടം എന്നാല്‍ തന്റെ ഇടമാണെന്നത് മറക്കരുത്'

ഇംഗ്ലീഷ് പോലുള്ള ഭാഷകള്‍ പഠിക്കരുതെന്നല്ല ഉദ്ദേശം. പക്ഷേ, മലയാളത്തെ മറക്കരുത്. രണ്ട് ഭാഷകള്‍ അറിയുന്നവനെ ദ്വിഭാഷാ സ്‌നേഹിയെന്നും രണ്ടിലധികം ഭാഷ സംസാരിക്കുന്നവരെ ബഹുഭാഷ പണ്ഡിതനെന്നും വിശേഷിപ്പിക്കുന്നു. എന്നാല്‍ ഒരു ഭാഷ മാത്രം അറിയുന്നവര്‍, ഇംഗ്ലീഷ് ഭാഷയിലേക്ക് ചുരുങ്ങുകയാണെന്നും അനില്‍ കുമാര്‍ പറഞ്ഞു.

സിറാജ് എഡിറ്റര്‍ ഇന്‍ ചാര്‍ജ് കെ.എം അബ്ബാസ് മോഡറേറ്ററായിരുന്നു. ആര്‍.എസ്.സി ഗള്‍ഫ് കൗണ്‍സില്‍ ഷെയര്‍ ആന്‍ഡ് കെയര്‍ കണ്‍വീനര്‍ റസാഖ് മാറഞ്ചേരി വിഷയാവതരണം നടത്തി. ഇ.പി മജീദ് ഹാജി അധ്യക്ഷത വഹിച്ചു. ഐപ്പ് വള്ളിക്കാടന്‍ (മാതൃഭൂമി ന്യൂസ് ), അബ്ദുസമദ് (ഇന്ത്യന്‍ മീഡിയ അബുദാബി), ടി.പി ഗംഗാധരന്‍ (മാതൃഭൂമി), ഹമീദ് പരപ്പ (ഐ.സി.എഫ് സെക്രട്ടറി ), സുനീര്‍ (കെ.സ്.സി പ്രസിഡണ്ട്), അബ്ദുല്‍ ഹമീദ് ഈശ്വരമംഗലം (ഐ.ഐ.സി.സി സെക്രട്ടറി), ഷിബു വര്‍ഗീസ് (അബുദാബി മലയാളി സമാജം), ടി.പി ഗംഗാധരന്‍ (മാതൃഭൂമി), ജയലാല്‍ (മലയാളി സമാജം), സിബി കടവില്‍ (ഏഷ്യാനെറ്റ്) പ്രസംഗിച്ചു. ഫാത്വിമ ഗ്രൂപ്പ് എം.ഡി ഇ.പി മജീദ് ഹാജി അധ്യക്ഷത വഹിച്ചു. അബൂബക്കര്‍ അസ്ഹരി പ്രാര്‍ഥന നടത്തി. സിദ്ദീഖ് പൊന്നാട്, ഫഹദ് സഖാഫി സംസാരിച്ചു.

Keywords : Abudhabi, Media worker, RSC, Gulf, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam kathakal, Live malayalam news, News Kerala, Malayalam gulf news.

Advertisement: