വാര്‍ത്ത തുണയായി; മനാമയില്‍ നിന്നും മോഷണം പോയ വാഹനം തിരിച്ചുകിട്ടി

File Photo

മനാമ: വെള്ളിയാഴ്ച രാത്രി മനാമ ബസ് സ്റ്റാന്‍ഡ് പരിസരത്തെ പാര്‍ക്കിംഗ് ഏരിയയില്‍ നിന്ന് മോഷണം പോയ മലയാളിയുടെ വാഹനം മാധ്യമവാര്‍ത്തയുടെ സഹായത്താല്‍ ജുഫൈറില്‍ കണ്ടെത്തി.

വടകര-വാണിമേല്‍ സ്വദേശിയും ബഹ്‌റൈന്‍ എസ്.കെ.എസ്.എസ്.എഫ് ട്രഷററുമായ നൗഷാദ് വാണിമേലിന്റെ 1989 മോഡല്‍ 31325 നമ്പറിലുള്ള വെള്ള ടൊയോട്ട മിനി ബസാണ് കഴിഞ്ഞ ദിവസത്തെ  മാധ്യമവാര്‍ത്തകളുടെ സഹായത്താല്‍ കണ്ടെത്താനായത്.

മുഹറഖ് സ്വദേശിയും ഡ്രൈവറുമായ റനീഷ് എന്ന മലയാളി സംശയാസ്പദമായി ജുഫൈറില്‍ കണ്ട വാഹനം വാര്‍ത്ത നോക്കി സ്ഥിരീകരിച്ച് ഉടമയുമായി ബന്ധപ്പെടുകയായിരുന്നു. തുടര്‍ന്ന് ഉടമ നൗഷാദും സുഹൃത്തുക്കളും തിരിച്ചറിഞ്ഞ വാഹനം പോലീസ് നടപടികള്‍ക്ക് ശേഷം തിരിച്ചു ലഭിച്ചു. 

ബഹ്‌റൈനിലെ പ്രത്യേക സാഹചര്യത്തിലും ഒരു കേടുപാടും കൂടാതെ വാഹനം തിരിച്ചു ലഭിച്ച സന്തോഷത്തിലാണ് നൗഷാദ്.