നന്മയുടെ വഴിയെ നടക്കാൻ വിശ്വാസി സമൂഹം തയ്യാറാവുക: സയ്യിദ് ജിഫിരി തങ്ങള്‍

ഷാര്‍ജ: സമകാലിക ലോകത്തിന്റെ കണ്ണഞ്ചിപ്പിക്കുന്ന നെറികേടുകള്‍ക്ക് പിറകെ ആവേശത്തോടെ സഞ്ചരിക്കുന്നതിന് പകരം നന്മയുടെ വഴിയെ നടക്കാന്‍ വിശ്വാസി സമൂഹം തയ്യാറാവണമെന്നു സയ്യിദ് ജിഫ്രി മുത്തുക്കോയ തങ്ങള്‍ പറഞ്ഞു. ദുരിതങ്ങള്‍ വിളിച്ചു വരുത്തുന്ന നിത്യ ജീവിതത്തിന്റെ ധൂര്‍ത്തില്‍ നിന്നും പ്രവാസികള്‍ വിട്ടുനില്‍ക്കാന്‍ തയ്യാറാവണമെന്നും ലളിതവും മഹത് പൂര്‍ണമായ ജീവിതം നയിച്ച് നമുക്ക് മുമ്പേ നടന്നുപോയ മഹാന്മാരുടെ ജീവിതം മാതൃകയാക്കണമെന്നും അദ്ദേഹം ഓര്‍മിപ്പിച്ചു.


സമസ്ത കേരള ജംഇയ്യത്തുല്‍ ഉലമ വൈസ് പ്രസിഡണ്ടും കാഞ്ഞങ്ങാട് സംയുക്ത ജമാഅത്ത് ഖാസിയുമായ സയ്യിദ് ജിഫ്രി മുത്തുക്കോയ തങ്ങള്‍ക്ക് ഷാര്‍ജ ഇന്ത്യന്‍ ഇസ്ലാമിക് ദഅവ സെന്റര്‍ നല്‍കിയ സ്വീകരണത്തില്‍ പ്രഭാഷണം നടത്തുകയായിരുന്നു അദ്ദേഹം. ഷാര്‍ജ ഇന്ത്യന്‍ ഇസ്ലാമിക് ദഅവ സെന്റര്‍ പ്രസിഡണ്ട് അബ്ദുര്‍ റഹ്മാന്‍ മുസ്ലിയാര്‍ കടവല്ലൂര്‍ അധ്യക്ഷതയില്‍ എസ്.കെ.എസ്.എസ്.എഫ് യു.എ.ഇ  പ്രസിഡണ്ട് സയ്യിദ് ഷുഹൈബ് തങ്ങള്‍ സ്വീകരണ സദസ് ഉദ്ഘാടനം ചെയ്തു.

സഹദ് പുറക്കാട്, ഖാലിദ് പാറപ്പള്ളി, സ്വബ്രത് റഹ്മാനി, റസാഖ് വളാഞ്ചേരി, മൊയ്തു നിസാമി, ഖലീല്‍ റഹ്മാന്‍ കാഷിഫി, റഷീദ് ബാഖവി, മൊയ്തു സി.സി എന്നിവര്‍ സംസാരിച്ചു. അബ്ദുല്ല ചേലേരി സ്വാഗതവും അബ്ദുല്‍ റസാഖ് തുരുത്തി നന്ദിയും പറഞ്ഞു.
Keywords : Sharjah, Gulf, SK SSF, Sayyid Jifri Thangal, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam kathakal, Live malayalam news, News Kerala, Malayalam gulf news.