പ്രവാസികള്‍ക്ക് അറിവും അത്മനിര്‍വൃതിയും പകര്‍ന്ന് മുഹിമ്മാത്ത് സ്വലാത്ത് മജ്‌ലിസ്

ദുബൈ: മുഹിമ്മാത്ത് ദുബൈ കമ്മിറ്റി മാസംതോറും നടത്തിവരുന്ന സ്വലാത്ത് മജ്‌ലിസ് പ്രവാസികള്‍ക്ക് അറിവും ആത്മ നിര്‍വൃതിയും പകര്‍ന്ന് ശ്രദ്ധേയമാകുന്നു. സ്വലാത്ത് മജ്‌ലിസിന് ശേഷം കാലിക വിഷയങ്ങളില്‍ നടക്കുന്ന പഠന ക്ലാസുകള്‍ക്ക് പ്രമുഖരാണ് നേതൃത്വം നല്‍കുന്നത്.

മുഹിമ്മാത്ത് ദുബൈ കമ്മിറ്റി പ്രസിഡണ്ട് അബ്ബാസ് സഖാഫി മണ്‍ടമ മുഹറം സന്ദേശ പ്രഭാഷണം നടത്തി. സാംസ്‌കാരിക അധിനിവേശത്തെ പൂര്‍ണമായും വിസമ്മതിക്കാന്‍ പ്രവാസികള്‍ തയ്യാറാകണമെന്ന് അദ്ദേഹം പറഞ്ഞു. നാം കഴിക്കുന്ന ഭക്ഷണത്തില്‍ പോലും അധിനിവേശത്തിന്റെ സ്വാധീനം വര്‍ധിച്ച് കൊണ്ടിരിക്കുകയാണ്. കഴിക്കുന്ന ഭക്ഷണം ഹലാലാണോ എന്ന് ഉറപ്പ് വരുത്താന്‍ ഓരോ വിശ്വാസിയും ശ്രദ്ധിക്കണമെന്നും അദ്ദേഹം ഉണര്‍ത്തി.

ദുബൈ മുഹിമ്മാത്ത് ആസ്ഥാനത്ത് നടന്ന പരിപാടിയില്‍ സ്വലാത്ത് മജ്‌ലിസിന് അബ്ബാസ് ഹിമമി ചിപ്പാര്‍ നേതൃത്വം നല്‍കി. ലത്വീഫ് ഹാജി പൈവളിഗെ, കുഞ്ഞാലി ഗുഡ്ഡ, ഡി.എ മുഹമ്മദ് ഹാജി, ലത്വീഫ് ഹാജ് കോടി, എന്‍.എ ബക്കര്‍ അംഗടിമുഗര്‍, ബഷീര്‍ ഹാജി മുഗു, റഫീഖ് മൊഗറഡുക്ക, ഇര്‍ഷാദ്് ഊജംപദവ്, അബ്ദുല്ല ഉപ്പിന, എ.പി.എച്ച് പൈവളിഗെ, അബ്ദുര്‍ റസാഖ് കത്തീബ് നഗര്‍, നാസര്‍ മുഹിമ്മാത്ത് തുടങ്ങി നിരവധിപേര്‍ സംബന്ധിച്ചു. ബാപ്പുഞ്ഞി മാസ്റ്റര്‍ അംഗടിമുഗര്‍, മുഗു അരമന അബ്ബാസ് എന്നിവരുടെ പേരില്‍ മയ്യത്ത് നിസ്‌ക്കാരവും നടന്നു.


ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords : Muhimmath, Swalath-majlis-anniversary, Dubai, Gulf, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam.