അറബിപ്പൊന്ന്; സലാമിനെതിരെ കാഞ്ഞങ്ങാട്ടും കേസ്
Aug 23, 2012, 23:38 IST
അമ്പലത്തറ പാറപ്പള്ളിയിലെ സെയ്തുവിന്റെ ഭാര്യ മറിയുമ്മ(60)യെ കബളിപ്പിച്ച് ഒരു പവന്‍ സ്വര്‍ണ്ണാഭരണം തട്ടിയെടുത്തുവെന്ന പരാതിയിലാണ് അബ്ദുല്‍ സലാമിനെതിരെ പോലീസ് കേസെടുത്തത്.
കഴിഞ്ഞ മാസം 12നായിരുന്നു സംഭവം. ആറങ്ങാടിയില്‍ നിന്നും കൂളിയങ്കാവിലേക്ക് പോകാന്‍ റോഡില്‍ നില്‍ക്കുകയായിരുന്ന മറിയുമ്മയെ അബ്ദുല്‍ സലാം ഉള്‍പ്പെട്ട സംഘം ഓട്ടോയില്‍ കയറ്റി കൊണ്ടുപോവുകയും, കബളിപ്പിച്ച് കയ്യിലുണ്ടായിരുന്ന ഒരു പവന്‍ സ്വര്‍ണ്ണാഭരണങ്ങള്‍ കൈക്കലാക്കി വഴിയില്‍ ഉപേക്ഷിക്കുകയുമായിരുന്നു.
കഴിഞ്ഞ ദിവസം അബ്ദുല്‍ സലാം സമാന രീതിയിലുള്ള മറ്റൊരു തട്ടിപ്പ് കേസില്‍ വിദ്യാനഗര്‍ പോലീസിന്റെ പിടിയിലായിരുന്നു. ഫോട്ടോ അടക്കം വാര്‍ത്തകള്‍ മാധ്യമങ്ങളില്‍ വന്നത് ശ്രദ്ധയില്‍പ്പെട്ടാണ് മറിയുമ്മ തന്നെ കബളിപ്പിച്ച പ്രതിയെ തിരിച്ചറിഞ്ഞത്. ഇതേ തുടര്‍ന്നാണ് ഹൊസ്ദുര്‍ഗ് പോലീസില്‍ പരാതി നല്‍കിയത്.
Keywords: Kanhangad, Case, Cheating, Gulf, Gold, Kasaragod.
Tags
Share this story
