റെയില്‍വേ സ്‌റ്റേഷന്റെ ശോചനീയാവസ്ഥ പരിഹരിക്കണം: പള്ളിക്കര പഞ്ചായത്ത് ദുബൈ കെഎംസിസി

ദുബൈ:(www.kasargodvartha.com 12.04.2014)  ബേക്കല്‍ ഫോര്‍ട്ട് റെയില്‍വേ സ്‌റ്റേഷന്റെ ശോചനീയാവസ്ഥ പരിഹരിക്കണമെന്ന് പള്ളിക്കര പഞ്ചായത്ത് ദുബൈ കെഎംസിസി അവശ്യപ്പെട്ടു. ട്രെയിന്‍ കാത്തിരിക്കുന്ന യാത്രക്കാര്‍ക്ക് റെയില്‍വേ സ്റ്റേഷനില്‍ ആവശ്യമായ സൗകര്യങ്ങള്‍ ബന്ധപ്പെട്ടവര്‍ ഏര്‍പ്പെടുത്തണമെന്ന് യോഗം ആവശ്യപ്പെട്ടു.

കെഎംസിസി മണ്ഡലം ജനറല്‍ സെക്രട്ടറി റഷീദ് ഹാജി കല്ലിങ്കല്‍ ഉദ്ഘാടനം ചെയ്തു.  കെഎംസിസി പഞ്ചായത്ത് പ്രസിഡന്റ് സിഎ അഹ്മദ് ബഷീര്‍ അധ്യക്ഷത വഹിച്ചു. കെഎംസിസി സജീവ പ്രവര്‍ത്തകനായിരുന്ന ടി.എ. ഷെരീഫ്, ദുബൈയില്‍ നിന്നും അപകടത്തില്‍ മരണപെട്ട അനസ് ബേക്കല്‍ എന്നിവരുടെ വേര്‍പാടില്‍ അനുശോചനവും അറിയിച്ചു. ആരിഫ് ചെരുമ്പ സ്വാഗതവും ഹാഷിം മഠം നന്ദിയും പറഞ്ഞു.