കാസര്കോട് സ്വദേശി ഖത്തറില് ഷോക്കേറ്റ് മരിച്ചു
Oct 31, 2019, 11:19 IST
ദോഹ: (www.kasargodvartha.com 31.10.2019) കാസര്കോട് മുസോടി സ്വദേശി ഖത്തറില് ഷോക്കേറ്റു മരിച്ചു. മുസോടി എല്പി സ്കൂളിന് സമീപം പരേതനായ അബ്ദുല് റഹ്മാന്റെ മകന് എം അബ്ദുല് മുനീറാണ് (31) മരണപ്പെട്ടത്. ഖത്തറിലെ ബാങ്ക് ജീവനക്കാരനാണ് അബ്ദുല് മുനീര്. സ്പോണ്സറുടെ വീട്ടില് അറ്റകുറ്റപ്പണി ചെയ്യുന്നതിനിടെ ബുധനാഴ്ച്ച രാത്രി ഇന്ത്യന് സമയം 9 മണിയോടെയാണ് അബ്ദുല് മുനീറിന് ഷോക്കേറ്റത്. നിയമനടപടികള്ക്ക് ശേഷം മൃതദേഹം വ്യാഴാഴ്ച രാത്രിയോടെ നാട്ടിലെത്തിക്കുമെന്ന് സുഹൃത്തുക്കൾ അറിയിച്ചു.
മാതാവ്: അലീമ. ഭാര്യ: ഫര്സാന. മകള്: ലുലൂഹ. സഹോദരങ്ങള്: ഹനീഫ്, അബ്ദുള് ഖാദര് (കായ്ച്ച), ഉമ്മര്, ബഷീര്, ഉസ്മാന്, അലി. മൃതദേഹം നാട്ടില് എത്തിച്ച ശേഷം മുസോടി ജുമാ മസ്ജിദില് ഖബറടക്കും.
Kywords: news, kasaragod, Kerala, Gulf, Shock, Death, Obituary, Bank, Kasargod native died due to electric shock in qatar
