കാസര്‍കോട് സ്വദേശി കുവൈത്തില്‍ കുഴഞ്ഞുവീണ് മരിച്ചു

കുവൈത്ത് സിറ്റി: (www.kasargodvartha.com 01.06.2020) കാസര്‍കോട് സ്വദേശി കുവൈത്തില്‍ കുഴഞ്ഞുവീണ് മരിച്ചു. തൃക്കരിപ്പൂര്‍ ഇടയിലെക്കാട് സ്വദേശി മുണ്ടയില്‍ രാജന്‍ (48) ആണ് മരിച്ചത്. ശുവൈഖിലുള്ള അല്‍ ഖാലിദ് പ്ലാസ്റ്റിക് കമ്പനിയിലെ ജീവനക്കാരനാണ്. അബ്ബാസിയയിലെ താമസസ്ഥലത്ത് വെച്ച് ഹൃദയാഘാതമുണ്ടാവുകയും കുഴഞ്ഞുവീണ് മരണപ്പെടുകയുമായിരുന്നു.

ഇടയിലെക്കാട്ടെ കുഞ്ഞിരാമന്‍- നാരായണി ദമ്പതികളുടെ മകനാണ്. ഭാര്യ: പ്രിജി. ഏക മകന്‍ അദ്വൈത്. സഹോദരങ്ങള്‍: അമ്പൂഞ്ഞി, ലക്ഷ്മണന്‍ (കുവൈത്ത്), പ്രഭാകരന്‍, പ്രകാശന്‍, ശാന്ത, ശകുന്തള. ഫര്‍വ്വാനിയ ദജീജ് മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നാട്ടിലെത്തിക്കാനുള്ള ഒരുക്കങ്ങള്‍ നടത്തിവരികയാണ്.

Keywords: Kuwait City, Gulf, Kasaragod, Kerala, News, Death, Natives, Kasaragod native died in Kuwait