ഷാര്‍ജ:യു എ ഇ യിലെ സാമൂഹിക സാംസ്‌കാരിക രംഗത്ത് ഒന്നര പതിറ്റാണ്ടിലേറെയായി പ്രവര്‍ത്തിച്ച് കൊണ്ടിരിക്കുന്ന ഐ എം സി സി യുടെ പതിനെട്ടാം വാര്‍ഷികം വര്‍ണ്ണ ശബളമായ പരിപാടികളോടെ ഷാര്‍ജ ഇന്ത്യന്‍ അസോസിയേഷന്‍ ഓഡിറ്റോറിയത്തില്‍ ആഘോഷിച്ചു. പ്രസിഡന്റ് ടി എസ് ഗഫൂര്‍ ഹാജിയുടെ അദ്ധ്യക്ഷതയില്‍ ഐ എന്‍ എല്‍ സംസ്ഥാന പ്രസിഡന്റ് എസ് എ പുതിയ വളപ്പില്‍ ഉദ്ഘാടനം ചെയ്തു. പ്രവാസ ജീവിതത്തിനിടയിലും ജീവകാരുണ്യ പ്രവര്‍ത്തന രംഗത്തുള്ള സാംസ്‌കാരിക സംഘടനകളുടെ സേവനം അതി ബ്രഹത്താണെന്നും ധാര്‍മ്മികതയിലൂന്നിയ പ്രവര്‍ത്തനങ്ങള്‍ക്കൊപ്പം അരോഗ്യ മേഘലയിലെ പകല്‍കൊള്ള അവസാനിപ്പിക്കുന്നതിന് അത്തരം ദിശയിലേയ്ക്ക് ഐ എം സി സി പോലുള്ള പ്രവാസി സംഘടനകള്‍ ശ്രമിയ്ക്കണമെന്നും എസ് എ പുതിയവളപ്പില്‍ സൂചിപ്പിച്ചു. ഇന്ത്യന്‍ അസോസിയേഷന്‍ പ്രസിഡന്റ് എം എച്ച് ബദറുദ്ദീന്‍, ട്രഷറര്‍ ദിലീപ്, സബാ ജോസഫ്, അബ്ദു ശിവപുരം(മാധ്യമം), ഇ സതീഷ് (ഏഷ്യാനെറ്റ്), വി എം കുട്ടി, നെല്ലറ ശംസുദ്ദീന്‍, തമ്പാന്‍ നായര്‍, കുവൈറ്റ് ഐ എം സി സി ചെയര്‍മാന്‍ സത്താര്‍ കുന്നില്‍, എന്‍ വൈ എല്‍ നേതാവ് പുളീക്കല്‍ മൊയ്തീന്‍ കുട്ടി തുടങ്ങിയവര്‍ സംബന്ധിച്ചു.
Ketywords: Committee, UAE, IMCC, Anniversary
