യു.എ.ഇ. കളനാട് മുസ്ലിം ജമാഅത്ത് കമ്മിറ്റി അനുശോചനം രേഖപ്പെടുത്തി

ദുബൈ: (www.kasargodvartha.com 11.05.2014) യു.എ.ഇ കളനാട് മുസ്ലിം ജമാഅത്ത് കമ്മിറ്റിയുടെ സജീവ പ്രവര്‍ത്തകന്‍ ഇബ്രഹിം കളനാടിന്റെ നിര്യാണത്തില്‍ ജമാഅത്ത് കമ്മിറ്റി യോഗം അനുശോചനം രേഖപ്പെടുത്തി.

ജമാഅത്തിന്റെ ഉപദേഷ്ടാവായും ഇബ്രാഹിം പ്രവര്‍ത്തിച്ചിരുന്നു. ഇബ്രാഹിം കളനാടിന്റെ ആകസ്മിക വിയോഗം കളനാട് മുസ്ലിം ജമാഅത്തിന് നികത്താനാവാത്ത നഷ്ടമാണെന്ന് യോഗം വിലയിരുത്തി. മാതാവിനെ ആശുപത്രിയിലെത്തിക്കുന്നതിനിടയില്‍ കുഴഞ്ഞു വീണാണ് ഇബ്രാഹിം മരിച്ചത്.

പ്രസിഡണ്ട് കോഴിത്തിടില്‍ അബ്ദുല്ല ഹാജി അധ്യക്ഷത വഹിച്ചു. ജനറല്‍ സെക്രട്ടറി മുജീബ് റഹ്മാന്‍, സെക്രട്ടറി സലീം അരമങ്ങാനം, ട്രഷര്‍ കെ.ഇ അബ്ദുല്‍ റഹ്മാന്‍, ഉപദേഷ്ടാവും യു.എ.ഇ കീഴൂര്‍ സംയുക്ത ജമാഅത്ത് സെക്രട്ടറിയുമായ അബ്ദുര്‍ റഹ്മാന്‍ അയ്യങ്കോല്‍ തുടങ്ങിയവര്‍ പ്രസംഗിച്ചു.

മിലിട്ടറി അഹ്മദ്, മുഹമ്മദ്കുഞ്ഞി, ശാഫി എ. കളനാട്, സി.കെ. ഇബ്രാഹിം കോഴിത്തിടില്‍ തുടങ്ങിയവര്‍ സംബന്ധിച്ചു.
മാതാവിനെ ആശുപത്രിയിലെത്തിച്ച മകന്‍ കുഴഞ്ഞുവീണ് മരിച്ചു