നമ്മുടെ ആരുമല്ലാത്ത, രക്തം ആവശ്യള്ളവര്‍ക്ക് സ്വയം സന്നദ്ധമായി മുന്നോട്ട് വന്ന് രക്തം നൽകുന്നതായിരുക്കും ജീവിതത്തിൽ മറ്റൊരാൾക്ക് ചെയ്തു കൊടുക്കുന്ന ഏറ്റവും മഹത്തായ കാര്യവും, കാരുണ്യവും: ഹകീം കുന്നിൽ

ദുബൈ: (www.kasargodvartha.com 17.04.2021) രക്തദാനത്തിലൂടെ നമ്മൾ ഏറ്റവും വലിയ സാമൂഹ്യ സേവനമാണ് നിർവഹിക്കുന്നതെന്നും രക്തദാനം ഒരു ജീവന്‍ നില നിര്‍ത്തുന്നതിന്റെ ഭാഗമാണെന്നും കാസർകോട് ഡിസിസി പ്രസിഡന്റ് ഹകീം കുന്നിൽ. ദുബൈ കെ എം സി സി കാസർകോട് ജില്ലാ കമിറ്റിയും കൈൻഡ്നെസ് ബ്ലഡ് ഡോണേഷൻ ടീമുമായി സഹകരിച്ച് ദെയ്‌റ നൈഫിൽ സംഘടിപ്പിച്ച രക്തദാന ക്യാമ്പ് ഉദ്‌ഘാടനം ചെയ്ത് സംസാരിക്കുകയായിരുന്നു അദ്ദേഹം.

നമ്മുടെ ആരുമല്ലാത്ത, രക്തം ആവശ്യള്ളവര്‍ക്ക് സ്വയം സന്നദ്ധമായി മുന്നോട്ട് വന്ന് രക്തം നൽകുന്നതായിരുക്കും ജീവിതത്തിൽ മറ്റൊരാൾക്ക് ചെയ്തു കൊടുക്കുന്ന ഏറ്റവും മഹത്തായ കാര്യവും, കാരുണ്യവുമെന്ന് അദ്ദേഹം പറഞ്ഞു. പുണ്യ റമദാനിൽ പൊലും രക്തദാന ക്യാമ്പ്‌ സംഘടിപ്പിച്ചുകൊണ്ട് ‌പാവപ്പെട്ട രോഗികൾക്ക്‌ അത്താണിയാവുന്ന കെ എം സി സിയുടെ പ്രവർത്തനങ്ങൾ പ്രശംസനീയവും അഭിനന്ദനാർഹവുമാണെന്നും ഹകീം കുന്നിൽ കൂട്ടിച്ചേർത്തു.