അജ്മാനില്‍ കാറും ട്രകും കൂട്ടിയിടിച്ച് അപകടം; യുവാവിന് ദാരുണാന്ത്യം

അജ്മാന്‍: (www.kasargodvartha.com 20.05.2021) യുഎഇയിലെ അജ്മാനില്‍ കാറും ട്രകും കൂട്ടിയിടിച്ചുണ്ടായ അപകടത്തില്‍ 25കാരനായ സ്വദേശി യുവാവിന് ദാരുണാന്ത്യം. ബുധനാഴ്ച പുലര്‍ചെ 4.15 മണിക്ക് ശൈഖ് മുഹ് മദ് ബിന്‍ സായിദ് സ്ട്രീറ്റില്‍ ശാര്‍ജയിലേക്കുള്ള അല്‍ ഹമീദിയ ബ്രിഡ്ജിന് സമീപമാണ് അപകടമുണ്ടായതെന്ന് അജ്മാന്‍ പൊലീസിലെ ട്രാഫിക് ആന്‍ഡ് പട്രോള്‍സ് വിഭാഗം ഡയറക്ടര്‍ ലെഫ്. കേണല്‍ സെയ്ഫ് അബ്ദുല്ല അല്‍ ഫലസി പറഞ്ഞു.

രക്ഷാപ്രവര്‍ത്തന സംഘം എത്തുമ്പോള്‍ വാഹനത്തിനുള്ളില്‍ കുടുങ്ങിയ നിലയിലായിരുന്നു സ്വദേശി യുവാവ്. അജ്മാന്‍ പൊലീസ് ഉടന്‍ തന്നെ ഇയാളെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. വാഹനമോടിക്കുമ്പോള്‍ ജാഗ്രത പുലര്‍ത്തണമെന്നും സുരക്ഷാ നിയമങ്ങള്‍ പാലിക്കണമെന്നും ട്രാഫിക് ആന്‍ഡ് പട്രോള്‍സ് വിഭാഗം ജനങ്ങളോട് ആവശ്യപ്പെട്ടു.

Keywords: Ajman, News, Gulf, World, Top-Headlines, Accident, Death, Youth, Police, Vehicle, Hospital, Emirati youth dies in Ajman car-truck collision