ദുബൈ കെ.എം.സി.സി ലീഡര്‍ഷിപ്പ് കോച്ചിംഗ് ക്യാമ്പ് സംഘടിപ്പിച്ചു

കെ.എം.സി.സി.യുടെ ജീവകാരുണ്യ സാമൂഹ്യ പ്രവര്‍ത്തനങ്ങളില്‍ ആകൃഷ്ടനായി തികച്ചും സൗജന്യമായാണ് വാന്‍ ലീഡര്‍ഷിപ്പ് കോച്ചിംഗ് നല്‍കിയത്. സംഘാടകരുടെ അഭ്യര്‍ഥന മാനിച്ച് തുടര്‍ ക്യാമ്പുകള്‍ സംഘടിപ്പിക്കുവാനും അദ്ദേഹം സന്നദ്ധത അറിയിച്ചിട്ടുണ്ട്. ദുബൈ കെ.എം.സി.സി. നടപ്പിലാക്കി വരുന്ന പ്രവാസി ക്ഷേമ പ്രവര്‍ത്തനങ്ങള്‍ വിശദമായി മനസിലാക്കിയ വാന്‍ ഇത്തരം പ്രവര്‍ത്തനങ്ങള്‍ മാതൃകാപരവും അഭിനന്ദനാര്‍ഹാവുമാണെന്ന് അഭിപ്രായപ്പെട്ടു.

ദുബൈ കെ.എം.സി.സി. പ്രസിഡന്റ് പി.കെ. അന്‍വര്‍ നഹ ക്യാമ്പ് ഉദ്ഘാടനം ചെയ്തു. യു.എ.ഇ. കെ.എം.സി.സി. ജനറല്‍ സെക്രട്ടറി ഇബ്രാഹീം എളേറ്റില്‍, ദുബൈ കെ.എം.സി.സി. ജനറല്‍ സെക്രട്ടറി ഇബ്രാഹീം മുറിച്ചാണ്ടി, ഐ-സ്മാര്‍ട്ട് ചെയര്‍മാന്‍ മുഹമ്മദ് വെട്ടുകാട്, സംസ്ഥാന ഭാരവാഹികളായ ആര്‍. നൗഷാദ്, ഹനീഫ് കല്‍മാട്ട, അഡ്വ: സാജിദ് അബൂബക്കര്‍, റഈസ് തലശേരി, നാസര്‍ കുറ്റിച്ചിറ, ഷാജി ഫാറൂഖ്, റഷീദ്, ഐ-സ്മാര്‍ട്ട് കോ-ഓര്‍ഡിനേറ്റര്‍ അബ്ദുല്ല ചെമ്മല തുടങ്ങിയവര്‍ ക്യാമ്പിന് നേതൃത്വം നല്‍കി. ക്യാമ്പ് അംഗങ്ങള്‍ക്ക് സര്‍ട്ടിഫിക്കറ്റുകള്‍ വിതരണം ചെയ്തു.