കാരുണ്യ പ്രവര്‍ത്തനങ്ങള്‍ കൊണ്ട് ജീവിതം ധന്യമാക്കുക: പി.എ ഇബ്രാഹിം ഹാജി

ദുബൈ: സമൂഹത്തിലെ പാവപ്പെട്ടവന്റെ കണ്ണൂനീരൊപ്പാന്‍ കൈലേസുമായി പ്രവര്‍ത്തിച്ചുകൊണ്ട് ജീവിതം ധന്യമാക്കണമെന്ന് യു.എ.ഇ കെ.എം.സി.സിയുടെ ഉപദേഷക സമിതി വൈസ് ചെയര്‍മാനും ചന്ദ്രികാ ഡയറക്ടറുമായ ഡോ. പി.എ ഇബ്രാഹിം ഹാജി അഭിപ്രായപ്പെട്ടു. സമൂഹത്തിലെ താഴേതട്ടിലുള്ള കഷ്ടത അനുഭവിക്കുന്നവരെ കണ്ടെത്തി സാമൂഹിക-സാംസ്‌കാരിക-വിദ്യാഭ്യാസ പ്രവര്‍ത്തനങ്ങള്‍ക്കൊപ്പം ജീവകാരുണ്യ രംഗത്തും സമാനതകൡാത്ത പ്രവര്‍ത്തനവുമായി മുന്നേറുന്ന കെ.എം.സി.സിയുടെ പ്രവര്‍ത്തനം പ്രശംസനീയവും മാതൃകാപരമാണ്. അശരണരെ കണ്ണീരൊപ്പുന്നതോടൊപ്പം സംഘടനയെ ശക്തിപ്പെടുത്താനും കെ.എം.സി.സി പ്രവര്‍ത്തകര്‍ ചെയ്യുന്ന പ്രവര്‍ത്തനവും ആത്മാര്‍ത്ഥയും അഭിനന്ദനാര്‍ഹമാണെന്നും അദ്ദേഹം പറഞ്ഞു.


ദുബൈ കെ.എം.സി.സി കാസര്‍കോട് മണ്ഡലം കമ്മിറ്റി നടപ്പിലാക്കുന്ന 'ബൈത്തുറഹ്മ' ഭവന പദ്ധതിയുടെ ബ്രോഷര്‍ റിലീഫ് സെല്‍ ചെയര്‍മാന്‍ ഗഫൂര്‍ എരിയാലിന് നല്‍കി പ്രകാശനം ചെയ്ത് സംസാരിക്കുകയായിരുന്നു അദ്ദേഹം. ആക്ടിംഗ് പ്രസിഡണ്ട് ഷരീഫ് പൈക്ക അധ്യക്ഷത വഹിച്ചു.