സൗജന്യമായി ലോകകപ്പ് മത്സരങ്ങൾ കാണാമെന്ന് വാഗ്ദാനം; അനൗദ്യോഗിക ലിങ്കുകൾക്കെതിരെ സൈബർ സുരക്ഷാ മുന്നറിയിപ്പുമായി ദുബായ്

ദുബൈ: (KasargodVartha) ലോകകപ്പ് ആവേശത്തിൽ നിൽക്കുന്ന ഫുട്ബോൾ പ്രേമികൾക്ക് സൈബർ സുരക്ഷാ മുന്നറിയിപ്പുമായി ഡിജിറ്റൽ ദുബൈ. ഓൺലൈനിൽ ലഭ്യമായ അനൗദ്യോഗിക സ്ട്രീമിങ് ലിങ്കുകൾ വഴി മത്സരങ്ങൾ കാണുന്നത് ഒഴിവാക്കണമെന്ന് അധികൃതർ മുന്നറിയിപ്പിൽ വ്യക്തമാക്കി.

ലോകകപ്പ് മത്സരങ്ങൾ തത്സമയം കാണാൻ സൗജന്യ പ്രവേശനം വാഗ്ദാനം ചെയ്യുന്ന വ്യാജ ലിങ്കുകൾ സൈബർ കുറ്റവാളികൾ ഇപ്പോൾ വ്യാപകമായി പ്രചരിപ്പിക്കുന്നുണ്ട്. ഇത്തരം ലിങ്കുകൾ വഴി ഉപയോക്താക്കൾ വ്യാജ വെബ്സൈറ്റുകളിലേക്ക് വഴിമാറുകയും ഡാറ്റാ മോഷണത്തിനും സൈബർ തട്ടിപ്പുകൾക്കും ഇരയാകാനുള്ള സാധ്യത കൂടുതലാണെന്നും അധികൃതർ ചൂണ്ടിക്കാട്ടുന്നു.

ഫോണുകളിലോ കംപ്യൂട്ടറുകളിലോ അനധികൃത സോഫ്റ്റ്‌വെയറുകൾ ഇൻസ്റ്റാൾ ചെയ്യപ്പെടുകയും അതിലൂടെ വ്യക്തിഗത വിവരങ്ങൾ, പാസ്‌വേഡുകൾ, ഓൺലൈൻ ബാങ്കിങ് വിവരങ്ങൾ ഉൾപ്പെടെയുള്ളവ ചോർത്തപ്പെടുകയും ചെയ്യാം. ഇതിന് പുറമെ വലിയ രീതിയിലുള്ള ഫിഷിങ് ഭീഷണിയുമുണ്ട്.

മത്സരം കാണുന്നതിന് മുൻപായി വ്യക്തിഗത വിവരങ്ങളോ ബാങ്ക് കാർഡ് വിവരങ്ങളോ നൽകണമെന്ന് ആവശ്യപ്പെടുന്ന തരത്തിലുള്ള വഞ്ചനാപരമായ വെബ്സൈറ്റുകൾ പ്രവർത്തിക്കുന്നതായും ഡിജിറ്റൽ ദുബൈയുടെ മുന്നറിയിപ്പിൽ വ്യക്തമാക്കുന്നുണ്ട്.

സൈബർ സുരക്ഷയുമായി ബന്ധപ്പെട്ട ഈ മുന്നറിയിപ്പിനെക്കുറിച്ച് നിങ്ങൾ എന്ത് പറയുന്നു? നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമൻ്റായി രേഖപ്പെടുത്തുക. ദുബൈയിലെയും പ്രവാസി ലോകത്തെയും കൂടുതൽ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക.

Article Summary: Digital Dubai has issued a cyber security warning to football fans, urging them to avoid clicking on fake and unofficial World Cup streaming links, which can lead to data theft, phishing, and unauthorized software installations.

#DigitalDubai #CyberSecurity #WorldCup2026 #PhishingScam #DubaiNews #MalayalamNews #AnjuNews