സൗദിയില്‍ പിക്കപ്പ് വാന്‍ ഡിവൈഡിറിലിടിച്ച് മറിഞ്ഞ് രണ്ട് മലയാളികള്‍ മരിച്ചു

റിയാദ്: (www.kasargodvartha.com 05.08.2018) സൗദിയില്‍ പിക്കപ്പ് വാന്‍ ഡിവൈഡിറിലിടിച്ച് മറിഞ്ഞ് രണ്ട് മലയാളികള്‍ മരിച്ചു. കൊല്ലം പള്ളിമുക്ക് സ്വദേശി സഹീര്‍ (30), ഉമയനെല്ലൂര്‍ സ്വദേശി ഹാഷിം (30) എന്നിവരാണ് മരിച്ചത്. അപകടത്തില്‍ രണ്ടു പേര്‍ക്ക് ഗുരുതരമായി പരിക്കേല്‍ക്കുകയും ചെയ്തു.
റിയാദില്‍ നിന്ന് അല്‍ഹസ്സയിലേക്കു പോകുമ്പോള്‍ ഖുരൈസില്‍ വെച്ചാണ് അപകടമുണ്ടായത്.

സംഘം സഞ്ചരിച്ച പിക്ക് അപ്പ് വാന്‍ ഡിവൈഡറില്‍ തട്ടി മറിഞ്ഞായിരുന്നു അപകടം. സഹീറും ഹാഷിമും സംഭവസ്ഥലത്തു തന്നെ മരിച്ചു. ഗുരുതരമായി പരുക്കേറ്റ തൃശൂര്‍ സ്വദേശി പോള്‍സണ്‍, കായംകുളം സ്വദേശി നിഷാദ് എന്നിവര്‍ അല ഹസ്സ കിംഗ് ഫഹദ് ആശുപത്രിയില്‍ ചികിത്സയിലാണ്. റംസാനയാണ് സഹീറിന്റെ ഭാര്യ. തസ്മിയാണ് ഹാഷിമിന്റെ ഭാര്യ. രണ്ടുപേര്‍ക്കും ഓരോ കുട്ടികള്‍ ഉണ്ട്.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)