ഗള്ഫുകാരന് പതിനെട്ടുകാരിയുമായി മുങ്ങിയതായി പരാതി
Aug 23, 2012, 23:45 IST
സുള്ള്യ സ്വദേശിനിയായ പതിനെട്ടുകാരിയെയാണ് കാണാതായത്. ഗള്ഫുകാരനായ കുമ്പള കൊടിയമ്മയിലെ മുഹമ്മദിന്റെ കൂടെ പോയതാണെന്ന പെണ്കുട്ടിയുടെ വീട്ടുകാര് നല്കിയ പരാതിയില് സുള്ള്യ പോലീസാണ് കേസെടുത്തത്. കഴിഞ്ഞ 21ന് പുലര്ച്ചെ വീട്ടുകാര് ഉണര്ന്നപ്പോള് പെണ്കുട്ടിയെ കിടപ്പുമുറിയില് കണ്ടില്ല. തലേന്ന് രാത്രി ഭക്ഷണം കഴിച്ച് വീട്ടുകാര്ക്കൊപ്പം ഉറങ്ങാന് കിടന്നതായിരുന്നു.
തുടര്ന്ന് നടത്തിയ അന്വേഷണത്തിലാണ് കുമ്പള കൊടിയമ്മയില് താമസിക്കുന്ന ഗള്ഫുകാരനായ മുഹമ്മദിന്റെ കൂടെ ഒളിച്ചോടിയതാണെന്ന് സൂചന ലഭിച്ചതെന്നു പരാതിയില് പറയുന്നു. ഇവരെ കണ്ടെത്താന് സൈബര് സെല്ലിന്റെ സഹായത്തോടെ നടത്തിയ അന്വേഷണത്തില് ആദ്യം തളങ്കരയിലെ ടവര് ലൊക്കേഷനാണ് കാണിച്ചത്. എന്നാല് പിന്നീട് ബന്ധപ്പെട്ടപ്പോള് ഫോണ് സ്വിച്ച്ഓഫ് ചെയ്ത നിലയിലാണ്. ഇവര് ബാംഗ്ലൂരിലേക്ക് കടന്നതായാണ് പോലീസിന് ലഭിച്ച സൂചന.
അതേ സമയം കാണാതായ ദിവസം ഉച്ചയ്ക്ക് വീട്ടിലേയ്ക്ക് വിളിച്ച് തന്നെ അന്വേഷിക്കേണ്ടതില്ലെന്ന് പെണ്കുട്ടി പറഞ്ഞിരുന്നുവത്രെ. വീട്ടുകാര് പെണ്കുട്ടിയെ തേടി ഗള്ഫുകാരന്റെ കുമ്പള കൊടിയമ്മയിലെ വീട്ടിലെത്തിയെങ്കിലും അവിടെയൊന്നും മുഹമ്മദിനെയോ പെണ്കുട്ടിയെയോ കണ്ടെത്താന് കഴിഞ്ഞില്ല. രണ്ടാഴ്ച മുമ്പാണ് മുഹമ്മദ് ഗള്ഫില് നിന്നും നാട്ടിലെത്തിയത്. ഇരുവരും തമ്മില് നേരത്തെ പ്രണയത്തിലായിരുന്നു.
Keywords: Kumbala, Missing, Gulf, Girl, Case, Kasaragod, Gulf Expat.
