Divorce | ആരാണ് എ ആർ റഹ്‌മാനിൽ നിന്ന് വേർപിരിയുന്ന സൈറ ബാനു? സംസ്കാരസമ്പന്ന കുടുംബത്തിൽ നിന്നുള്ള മനുഷ്യസ്‌നേഹിയെ അറിയാം

ചെന്നൈ: (KasargodVartha) സംഗീതഞ്ജൻ എ ആർ റഹ്‌മാനും ഭാര്യ സൈറ ബാനുവും വിവാഹമോചിതരാകുന്നു എന്ന വാർത്ത വലിയ ചർച്ചയായിരിക്കുകയാണ്. 29 വർഷത്തെ ദാമ്പത്യ ജീവിതത്തിന് ശേഷമാണ് ദമ്പതികൾ വേർപിരിയുന്നത് എന്നത് ഏവരെയും ഞെട്ടിച്ചിരിക്കുന്നു. വിവാഹമോചന വാർത്ത സ്‌ഥിരീകരിച്ച് എ ആർ റഹ്‌മാൻ പിന്നാലെ എക്‌സിൽ പോസ്റ്റും പങ്കുവെച്ചു.

'ഈ ബന്ധം മുപ്പതിലെത്തുമെന്ന് ഞങ്ങൾ പ്രതീക്ഷിച്ചിരുന്നു. പക്ഷേ, എല്ലാകാര്യങ്ങൾക്കും കാണാൻ കഴിയാനാകാത്ത ഒരു അവസാനമുണ്ട്. തകർന്ന ഹൃദയങ്ങളാൽ ദൈവത്തിന്റെ സിംഹാസനം പോലും വിറച്ചേക്കാം. വീണ്ടും പഴയപടിയാകില്ലെങ്കിലും ഞങ്ങൾ അർഥം തേടുകയാണ്. ആകെ തകർന്ന ഈ സാഹചര്യത്തിലുടെ കടന്നുപോകുമ്പോഴും ഞങ്ങളുടെ സ്വകാര്യത മാനിച്ചതിനും നിങ്ങൾ കാണിച്ച ദയയ്ക്കും സുഹൃത്തുക്കളോട് നന്ദി രേഖപ്പെടുത്തുന്നു', എ ആർ റഹ്‌മാൻ കുറിച്ചു.

മാതാവ് നിശ്ചയിച്ച വിവാഹം

സൈറയുമായുള്ള വിവാഹം അമ്മ നിശ്ചയിച്ചതാണെന്ന് എആർ റഹ്മാൻ ഒരു അഭിമുഖത്തിൽ വെളിപ്പെടുത്തിയിരുന്നു. അമ്മയും സഹോദരിയും ആദ്യമായി ചെന്നൈയിലെ സൂഫി സന്യാസി മോത്തി ബാബയുടെ ആരാധനാലയത്തിൽ വച്ചാണ് സൈറയെ കണ്ടത്. അമ്മയ്ക്ക് സൈറയെയോ അവളുടെ കുടുംബത്തെയോ അറിയില്ല, പക്ഷേ അവർ അടുത്ത വീടുകളിൽ താമസിച്ചിരുന്നതിനാൽ, അവർ നേരിട്ട് സംസാരിച്ചു. എല്ലാം വളരെ എളുപ്പത്തിൽ സംഭവിച്ചുവെന്നും അദ്ദേഹം പറയുന്നു.

“We had hoped to reach the grand thirty, but all things, it seems, carry an unseen end. Even the throne of God might tremble at the weight of broken hearts. Yet, in this shattering, we seek meaning, though the pieces may not find their place again. To our friends, thank you for…

— A.R.Rahman (@arrahman) November 19, 2024

'സൈറ സുന്ദരിയും സൗമ്യയുമായിരുന്നു. 1995 ജനുവരി ആറിന് എന്റെ 28-ാം ജന്മദിനത്തിൽ ഞങ്ങൾ ആദ്യമായി കണ്ടുമുട്ടി. അത് ഒരു ചെറിയ കൂടിക്കാഴ്ച മാത്രമായിരുന്നു. അതിനുശേഷം ഞങ്ങൾ കൂടുതലും ഫോണിൽ സംസാരിച്ചു. പിന്നീട് ഞാൻ അവളോട് ഇംഗ്ലീഷിൽ, 'നീ എന്നെ വിവാഹം കഴിക്കാൻ തയ്യാറാണോ?' എന്ന് ചോദിച്ചു', റഹ്‌മാൻ മനസ് തുറന്നു.

ആരാണ് സൈറ ബാനു?

സൈറ ബാനു 1973 ഡിസംബർ 20ന് ഗുജറാത്തിലെ കച്ചിൽ ജനിച്ചു. സാംസ്കാരികമായി സമ്പന്നമായ ഒരു ഉയർന്ന ഇടത്തരം കുടുംബത്തിലായിരുന്നു അവരുടെ ജനനം. പാരമ്പര്യങ്ങളും മൂല്യങ്ങളും നിറഞ്ഞ ഒരു അന്തരീക്ഷത്തിലായിരുന്നു വളർന്നത്. ഈ പശ്ചാത്തലം അവരുടെ ജീവിതത്തെക്കുറിച്ചുള്ള കാഴ്ചപ്പാടിനെ വളരെയധികം സ്വാധീനിച്ചു.

സൈറ സാമൂഹിക സേവന രംഗത്ത് വളരെ സജീവമായി പ്രവർത്തിക്കുന്നയാളാണ്. വിദ്യാഭ്യാസം, ആരോഗ്യം തുടങ്ങിയ മേഖലകളിൽ പ്രത്യേക ശ്രദ്ധ കേന്ദ്രീകരിച്ച് അവർ നിരവധി സംരംഭങ്ങൾ നടത്തുന്നു. അതോടൊപ്പം, എ ആർ റഹ്മാൻ നടത്തുന്ന ജീവകാരുണ്യ പ്രവർത്തനങ്ങളെ സൈറ പൂർണമായി പിന്തുണച്ചിരുന്നു.

Le Musk Premier… Producer-Director duo #LeMusk #LeMuskAtLA @intel #ARRstudios pic.twitter.com/g8TaV17Anu

— A.R.Rahman (@arrahman) November 6, 2022

ഇന്ത്യയിലെ ഏറ്റവും പ്രശസ്തരായ സംഗീതജ്ഞരിൽ ഒരാളുടെ ഭാര്യയായിരുന്നിട്ടും സൈറ ബാനു തന്റെ സ്വകാര്യ ജീവിതം വളരെ രഹസ്യമായി സൂക്ഷിച്ചു. തങ്ങളുടെ കുടുംബത്തെക്കുറിച്ചുള്ള കാര്യങ്ങൾ അപൂർവ്വമായി മാത്രമേ പുറത്തു പറഞ്ഞിട്ടുള്ളൂ. പകരം, അവർ തന്റെ ജോലിയിലും ഭർത്താവിന്റെ നേട്ടങ്ങളിലും കൂടുതൽ ശ്രദ്ധ കേന്ദ്രീകരിച്ചു.

എ.ആർ. റഹ്മാനും സൈറയും 1995-ൽ വിവാഹിതരായി. ഇവർക്ക് ഖദീജ, റഹീമ, അമീൻ എന്നീ മൂന്ന് മക്കളുണ്ട്. ചൊവ്വാഴ്‌ച ഇരുവരും തങ്ങളുടെ വേർപിരിയൽ ഔദ്യോഗിക പ്രസ്താവനയിലൂടെ അറിയിച്ചു. 'വർഷങ്ങളായുള്ള വിവാഹ ജീവിതത്തിനൊടുവിൽ എ ആർ. റഹ്മാനുമൊത്തുള്ള വിവാഹമോചനം എന്ന ഏറെ പ്രയാസകരമായ തീരുമാനത്തിൽ സൈറ എത്തിയിരിക്കുകയാണ്. ഇരുവർക്കുമിടയിലുള്ള വൈകാരിക ബന്ധത്തിലുണ്ടായ പ്രശ്‌നങ്ങൾക്കൊടുവിലാണ് ഇത്തരത്തിൽ ഒരു തീരുമാനം ഉണ്ടായിരിക്കുന്നത്', ഇരുവരുടെയും അഭിഭാഷക പ്രസ്‌താവനയിൽ അറിയിച്ചു.

#ARRahman #SairaBanu #CelebrityDivorce #FamilyLife #EntertainmentNews