രശ്മികയെ അൺഫോളോ ചെയ്ത് വിജയ് ദേവരകൊണ്ട; 'കോഫി വിത്ത് കരൺ' എപ്പിസോഡിന് പിന്നാലെ വിവാഹമോചനമെന്ന് പ്രചാരണം

ഹൈദരാബാദ്: (KasargodVartha) താരദമ്പതികളായ രശ്മിക മന്ദാനയും വിജയ് ദേവരകൊണ്ടയും തമ്മിൽ പ്രശ്നങ്ങളുണ്ടെന്നും ഇരുവരും വിവാഹമോചനത്തിലേക്ക് നീങ്ങുകയാണെന്നും സാമൂഹിക മാധ്യമങ്ങളിൽ പ്രചാരണം. പ്രമുഖ ചാറ്റ് ഷോ ആയ 'കോഫി വിത്ത് കരണി'ൻ്റെ കഴിഞ്ഞ എപ്പിസോഡിൽ ഇരുവരും അതിഥികളായി എത്തിയിരുന്നു. ഇതിൽ താരങ്ങൾ നടത്തിയ തുറന്നുപറച്ചിലുകൾ വലിയ വിവാദങ്ങൾക്കിടയാക്കിയതിന് പിന്നാലെയാണ് ഇൻസ്റ്റഗ്രാം അൺഫോളോ വിവാദവും പുതിയ അഭ്യൂഹങ്ങളും പ്രചരിക്കുന്നത്.

നൂറുതവണ ചോദിച്ചു

വിവാഹം കഴിക്കാമെന്ന് നൂറിലധികം തവണ രശ്‌മിക തന്നോട് ചോദിച്ചതായി വിജയ് ഷോയിൽ പറഞ്ഞിരുന്നു. 'നമുക്ക് വിവാഹം കഴിക്കാം' എന്ന് രശ്മിക ചോദിച്ചപ്പോൾ, 'നീ എന്നോട് നൂറുതവണ ചോദിക്കൂ' എന്നാണ് താൻ മറുപടി നൽകിയതെന്നും വിജയ് വെളിപ്പെടുത്തി. താനൊരു വർഷം മുഴുവൻ ഇക്കാര്യം നിരന്തരം ചോദിച്ചുവെന്ന് രശ്‌മികയും പരിപാടിയിൽ തുറന്നുപറഞ്ഞിരുന്നു.

'റെഡ് ഫ്ലാഗ്' വിമർശനം

ഈ വെളിപ്പെടുത്തലിന് പിന്നാലെ വിജയ്ക്കെതിരെ വലിയ തോതിലുള്ള വിമർശനങ്ങളാണുണ്ടായത്. രശ്‌മികയെ അപമാനിക്കുന്ന തരത്തിലാണ് അദ്ദേഹം പെരുമാറിയതെന്നായിരുന്നു ആളുകളുടെ പ്രധാന വിമർശനം. എന്നാൽ വിവാഹം ഒരു നിമിഷത്തെ വൈകാരിക ആവേശത്തിൽ എടുക്കേണ്ട തീരുമാനമാകരുതെന്ന് കരുതിയാണ് താനിങ്ങനെ പറഞ്ഞതെന്നായിരുന്നു വിജയുടെ വിശദീകരണം. ഇതൊന്നും ആളുകൾക്ക് തൃപ്തികരമായ മറുപടിയായിരുന്നില്ല. തുടർന്ന് രൂക്ഷമായ ട്രോളുകൾ നേരിട്ട വിജയ് ഒരു 'റെഡ് ഫ്ലാഗ്' ആണെന്നും ആളുകൾ ആരോപിച്ചു.

ഇൻസ്റ്റഗ്രാമിലെ അൺഫോളോ

ഇതിനുപിന്നാലെയാണ് ഇരുവർക്കുമിടയിൽ പ്രശ്‌നങ്ങൾ തുടങ്ങിക്കഴിഞ്ഞുവെന്ന പുതിയ കണ്ടെത്തൽ. വിജയ് ഇൻസ്റ്റഗ്രാമിൽ രശ്‌മികയെ അൺഫോളോ ചെയ്‌തിരിക്കുന്നുവെന്നത് ചൂണ്ടിക്കാട്ടിയാണ് ആളുകൾ ഇക്കാര്യം സമർഥിക്കുന്നത്. അവർക്കിടയിലെ വിള്ളലുകൾ കാരണമാണ് അൺഫോളോ ചെയ്തതെന്നും, ദാമ്പത്യബന്ധത്തിൽ പ്രശ്നങ്ങളുണ്ടെന്നും അധികം വൈകാതെ വിവാഹമോചിതരാവുമെന്നും ഇവർ വാദിക്കുന്നു.

എന്നാൽ ഇതൊക്കെ വെറുതെ പറയുന്നതാണെന്നും അടിസ്ഥാനരഹിതമാണെന്നാണ് ആരാധകരുടെ വിശദീകരണം. നേരത്തെ തന്നെ വിജയ് ഇൻസ്റ്റഗ്രാമിൽ ആരെയും ഫോളോ ചെയ്‌തിരുന്നില്ലെന്നും, അദ്ദേഹത്തിൻ്റെ ഫോളോ ലിസ്റ്റ് വളരെക്കാലമായി സീറോ ആയിരുന്നുവെന്നും അവർ ചൂണ്ടിക്കാട്ടുന്നു. ഈ വർഷം ഫെബ്രുവരിയിലാണ് രശ്മികയും വിജയ്‌യും വിവാഹിതരായത്.

കൂടുതല്‍ വാർത്തകളും വിശേഷങ്ങളും അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് കമൻ്റായി രേഖപ്പെടുത്തുക. 

Article Summary: Vijay Deverakonda unfollows Rashmika; divorce rumors spark online.

#RashmikaMandanna #VijayDeverakonda #KoffeeWithKaran #TollywoodNews #EntertainmentGossip #MalayalamCinemaNews #RenuNews