'താഴ്ത്തി വെക്കാൻ നോക്കി, പക്ഷേ അത് പൊങ്ങി വരും'; പുതിയ മീശ ലുക്കിന് പിന്നിലെ രഹസ്യം വെളിപ്പെടുത്തി മോഹൻലാൽ

കൊച്ചി: (KasargodVartha) 'തുടരും' എന്ന സൂപ്പർഹിറ്റ് ചിത്രത്തിന് ശേഷം മോഹൻലാലും സംവിധായകൻ തരുൺ മൂർത്തിയും ഒന്നിക്കുന്ന പുതിയ ചിത്രത്തിന്റെ (L366) വിശേഷങ്ങളാണ് ഇപ്പോൾ സോഷ്യൽ മീഡിയയിൽ തരംഗമാകുന്നത്. ചിത്രത്തിൽ ലൗലജൻ എന്ന പോലീസ് ഉദ്യോഗസ്ഥനായിട്ടാണ് മോഹൻലാൽ എത്തുന്നത്. ഈ കഥാപാത്രത്തിനായി താരം താടി വടിക്കുകയും മീശ പിരിച്ചുവെക്കുകയും ചെയ്തത് നേരത്തെ വൈറലായിരുന്നു.

മീശയുടെ രഹസ്യം

ചിത്രീകരണം പുരോഗമിക്കുന്നതിനാൽ പൊതുപരിപാടികളിലും മറ്റും മോഹൻലാൽ മീശ പിരിച്ചുകൊണ്ട് തന്നെയാണ് എത്തുന്നത്. ഇതിനുള്ള കാരണം താരം തന്നെ വ്യക്തമാക്കുന്നു. ‘ഈ മീശ ഞാൻ ഒരു സിനിമയ്ക്ക് വേണ്ടി വെച്ചതാണ്. ഒരു പോലീസ് ഓഫീസർ ആയാണ് ഞാൻ ആ സിനിമയിൽ എത്തുന്നത്. 

അതുകൊണ്ട് ഈ മീശ താഴേക്ക് വെച്ചാൽ അത് പിന്നെ താഴേക്ക് തന്നെ ആയിപ്പോകും, ആ ഒരു കണ്ടിന്യൂറ്റി നിലനിർത്താൻ വേണ്ടി വെക്കുന്നുവെന്നേ ഉള്ളൂ. താഴ്ത്തി വെക്കാൻ ഞാൻ നോക്കി, പക്ഷേ ചിലപ്പോൾ അത് പൊങ്ങി വരും. മീശ നല്ലതല്ലേ, അത് ഈ സിനിമയ്ക്ക് വേണ്ടിയാണ് വെച്ചത്. ഈ സിനിമ കഴിയുമ്പോൾ അത് താഴും,’ മോഹൻലാൽ പറഞ്ഞു.

ഹിറ്റ് കൂട്ടുകെട്ട്

വലിയ ഇടവേളയ്ക്ക് ശേഷം മോഹൻലാൽ മീശ പിരിച്ച് സ്ക്രീനിലെത്തുന്ന ചിത്രം കൂടിയാണിത്. കൂടാതെ, മോഹൻലാലിന്റെ നായികയായി മീരാ ജാസ്മിൻ എത്തുന്ന ചിത്രം എന്ന പ്രത്യേകതയുമുണ്ട്. ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാനാണ് ചിത്രം നിർമ്മിക്കുന്നത്. രതീഷ് രവിയുടേതാണ് തിരക്കഥ.

അണിയറ പ്രവർത്തകർ

● സംവിധാനം: തരുൺ മൂർത്തി

● തിരക്കഥ: രതീഷ് രവി

● സംഗീതം: ജേക്സ് ബിജോയ്

● ഛായാഗ്രഹണം: ഷാജികുമാർ

● എഡിറ്റിംഗ്: വിവേക് ഹർഷൻ

● ശബ്ദസംവിധാനം: വിഷ്ണു ഗോവിന്ദ്

● വസ്ത്രാലങ്കാരം: മഷർ ഹംസ

● പ്രൊഡക്ഷൻ ഡിസൈനർ: ഗോകുൽ ദാസ്

● കോ ഡയറക്റ്റര്‍/ സഹസംവിധാനം: ബിനു പപ്പു

● പ്രൊഡക്ഷൻ കൺട്രോളർ: സുധർമ്മൻ വള്ളിക്കുന്ന്

● മേക്കപ്പ്: റോണെക്‌സ് സേവിയര്‍

സെൻട്രൽ പിക്‌ചേഴ്‌സ് ആണ് ഈ ചിത്രം പ്രദർശനത്തിനെത്തിക്കുന്നത്.

പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: Mohanlal reveals that his new twirled mustache look is for his police character 'Lovulajan' in Tarun Moorthy's next film.

#Mohanlal #L366 #TarunMoorthy #MeeraJasmine #MalayalamCinema #Lalettan #KVARTHA