രമ്യം ക്രിയേഷൻസിന്റെ ബാനറിൽ പ്രശാന്ത് കുമാർ സി നിർമ്മിച്ച 'മാജിക് മൊമെന്റ്' എന്ന ചിത്രത്തിന്റെ ഓഡിയോ റിലീസ് ചെയ്തു

കോഴിക്കോട്: (KasargodVartha) രമ്യം ക്രിയേഷൻസിന്റെ ബാനറിൽ പ്രശാന്ത് കുമാർ സി നിർമ്മിച്ച ഏറ്റവും പുതിയ ചിത്രമായ 'മാജിക് മൊമെന്റ്' എന്ന സിനിമയുടെ ഔദ്യോഗിക ഓഡിയോ റിലീസ് വിജയകരമായി പൂർത്തിയായി. പുതുമുഖങ്ങൾക്ക് ഏറെ പ്രാധാന്യം നൽകിക്കൊണ്ട് രാജിവ് നടുവനാട് സംവിധാനം ചെയ്ത ചിത്രത്തിലെ ആദ്യ ഗാനം പ്രമുഖ മ്യൂസിക് ലേബലായ മില്ലെനിയം ഓഡിയോസിലൂടെയാണ് പുറത്തിറങ്ങിയത്. കോഴിക്കോട് വെച്ച് നടന്ന പ്രൗഢഗംഭീരമായ ചടങ്ങിൽ പ്രശസ്ത നാടക സംഗീത കലാകാരൻ വിൻസൺ സാമുവൽ ഗാനങ്ങളുടെ ഔദ്യോഗിക പ്രകാശനം നിർവ്വഹിച്ചു.

നാല് യുവാക്കളുടെ കഥയുമായി രാജിവ് നടുവനാട്

സംവിധായകന്റെ തന്നെ തനത് കഥയ്ക്ക് ബാബു മാനുവൽ സംഭാഷണം രചിച്ചിരിക്കുന്ന 'മാജിക് മൊമെന്റ്' പ്രധാനമായും നാല് യുവാക്കളുടെ ജീവിതകഥയാണ് ദൃശ്യാവിഷ്കരിക്കുന്നത്. മുൻപ് ഏറെ ശ്രദ്ധേയമായ '1948 കാലം പറഞ്ഞത്', 'മാക്കൊട്ടൻ' എന്നീ ചിത്രങ്ങൾക്ക് ശേഷം രാജീവ് നടുവനാട് സംവിധാനം ചെയ്യുന്ന പുതിയ ചിത്രമാണിത് എന്ന പ്രത്യേകതയുമുണ്ട്. 

'നേർച്ചപ്പെട്ടി', 'മുള്ളൻകൊല്ലി' എന്നീ സിനിമകളിലൂടെ നായകനായി തിളങ്ങിയ അതുൽ സുരേഷ്, പുതുമുഖങ്ങളായ അർജുൻ ദാസ്, ജെറിൻ, രാകേന്ദ് എന്നിവരാണ് ചിത്രത്തിൽ പ്രധാന വേഷങ്ങളിൽ എത്തുന്നത്. അനുശ്രീ, പ്രാർത്ഥന എന്നിവർ നായികമാരാകുന്നു. 'മാക്കൊട്ടൻ' എന്ന ചിത്രത്തിലൂടെ ബാലതാരമായി അരങ്ങേറ്റം കുറിച്ച പ്രാർത്ഥന അതീവ ശക്തമായൊരു കഥാപാത്രത്തെയാണ് ഈ ചിത്രത്തിൽ അവതരിപ്പിക്കുന്നത്.

വൻ താരനിരയും അണിയറപ്രവർത്തകരും

മലയാളികളുടെ പ്രിയ താരം ബാല അതിഥി താരമായെത്തുന്ന ചിത്രത്തിൽ സന്തോഷ് കീഴാറ്റൂർ, കെ എ ബ്രോ ബിജു, സിദ്ദിഖ്, ശിവദാസ് മട്ടന്നൂർ, സദാനന്ദൻ ചേപ്പറമ്പ്, പ്രശാന്ത് സി, സുരേഷ് കനവ്, റാഫി മൻമാസ്, ലിതേഷ് കോളയാട്, പ്രദീപ്മൈക്വീൻ, സാനിയ ഉല്ലാസ്, ലസിത, ഷിജിന, ലയ എന്നിവരോടൊപ്പം നിരവധി പുതുമുഖങ്ങളും മറ്റ് പ്രധാന കഥാപാത്രങ്ങളെ അവതരിപ്പിക്കുന്നുണ്ട്.

രാഹുൽ സി വിമല ക്യാമറ ചലിപ്പിച്ച ചിത്രത്തിൻ്റെ എഡിറ്റിംഗ് ഹിഷാം യൂസഫ് പിവി നിർവ്വഹിച്ചിരിക്കുന്നു. ചീഫ് അസോസിയേറ്റ് ഡയറക്ടർ ജയേന്ദ്ര ശർമ്മയാണ്. സുനിൽ കല്ലൂർ, ബാഹുലേയൻ കേളകം, ഹരിപ്രിയ എസ് എച്ച്, സമീർ അലി എന്നിവരുടെ വരികൾക്ക് പി ജെ, നൗഷാദ് കണ്ണൂർ എന്നിവർ ചേർന്നാണ് മനോഹരമായ സംഗീതം പകർന്നിരിക്കുന്നത്. 

രഞ്ജിത്ത് ശ്രീധർ, നജിം അർഷാദ്, മൃദുല വാര്യർ, മുക്താർ മുഹിബ് നൂർ, നയൻതാര, സാന്ദ്ര തോമസ്, സസ്ലിം നാസർ, സരുൺ ടി എസ്, അർഷാദ് പത്തിരിയാൻ തുടങ്ങിയ പ്രമുഖ ഗായകരാണ് ചിത്രത്തിലെ ഗാനങ്ങൾ ആലപിച്ചിരിക്കുന്നത്.

മേക്കപ്പ് ജയൻ എരുവേശി, കോസ്റ്റ്യൂം സുജിത്ത് മട്ടന്നൂർ, ആർട്ട് ഷബിൻ യു പി, സ്റ്റണ്ട് ബ്രൂസിലി രാജേഷ്, കൊറിയോഗ്രാഫി സുദേവ് സുരേഷ്, കളറിസ്റ്റ് ജോജി ഡി പാറക്കൽ, സൗണ്ട് ഡിസൈൻ ഡോ ആശിഷ് ഇല്ലിക്കൽ എന്നിവരാണ് നിർവ്വഹിച്ചിരിക്കുന്നത്. 

സ്റ്റിൽസ് അജേഷ് ആവണി, പബ്ലിസിറ്റി ഡിസൈൻ സുജിപാൽ ക്രിയേഷൻസ് എന്നിവരാണ്. സൗത്ത് സ്റ്റുഡിയോ കൊച്ചിയിലാണ് ചിത്രത്തിൻ്റെ പോസ്റ്റ് പ്രൊഡക്ഷൻ ജോലികൾ പൂർത്തിയായത്. ചിത്രത്തിൻ്റെ പിആർഓ എം കെ ഷെജിനാണ്. സിനിമ ഉടൻ തന്നെ തിയേറ്ററുകളിൽ പ്രദർശനത്തിന് എത്തും.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക.

Article Summary: The official audio and first song of the Malayalam movie Magic Moment, directed by Rajiv Naduvanad and produced by Prashanth Kumar C under Remyam Creations, was released by theatre musician Vinson Samuel.

#MagicMoment #RajivNaduvanad #MalayalamCinema #AudioRelease #MillenniumAudios #NajimArshad #MridulaWarrier #BalaActor #BreakingNews #2026