ഇനിയും മിണ്ടാതെ ഇരിക്കരുത്, ഞങ്ങള് ഒരുപാടു പേരുണ്ട് സഹായിക്കാന്: നടന് ഷെയ്ന് നിഗം
കൊച്ചി: (www.kasargodvartha.com 23.06.2021) ഗാര്ഹിക പീഡനം നേരിട്ട യുവതികള് ആത്മഹത്യ ചെയ്ത സംഭവത്തില് പ്രതികരണവുമായി നടന് ഷെയ്ന് നിഗം. ആത്മഹത്യ ഒന്നിനും പരിഹാരമല്ലെന്നും മരണം വരിച്ച് നമ്മള് 'തോല്'ക്കുകയല്ലേ ചെയ്യുന്നതെന്നും താരം പറയുന്നു. നമ്മുടെ പാഠ്യ സിലിബസില് ഒരുപാട് മാറ്റങ്ങള് കൊണ്ടുവരുത്തേണ്ട കാലം അതിക്രമിച്ചിരിക്കുന്നുവെന്നും ഷെയ്ന് പറഞ്ഞു.
ഫെയ്സ്ബുക് പോസ്റ്റിന്റെ പൂര്ണരൂപം:
കഴിഞ്ഞ 3 ദിവസത്തിനിടെ നാലില് കൂടുതല് ആത്മഹത്യകള് നടന്നു, അതും ഗാര്ഹിക പീഢനം നേരിട്ട യുവതികള്. ആത്മഹത്യ ഇതിന് പരിഹാരമാണ് എന്ന് വിശ്വസിക്കുന്നുണ്ടോ? ഉറച്ച നിലപാടുകളും, പുറം ലോകത്തോട് നേരിടുന്ന ബുദ്ധിമുട്ടുകള് സധൈര്യം വിളിച്ചു പറയുവാന് (ഇഛാശക്തി) കാണിക്കുകയും അല്ലേ ചെയ്യേണ്ടത്. അവിടെ അല്ലേ ജയിക്കുന്നത്, മരണം വരിച്ച് നമ്മള് 'തോള്'ക്കുകയല്ലെ സത്യത്തില്? നമ്മുടെ പാഠ്യ സിലിബസില് ഒരുപാട് മാറ്റങ്ങള് കൊണ്ടുവരുത്തേണ്ട കാലം അതിക്രമിച്ചിരിക്കുന്നു.
ജീവിതത്തിലെ ഇത്തരം പ്രതിസന്ധികളെ തരണം ചെയ്യാനും ധൈര്യവും ആര്ജവവും സൃഷ്ടിക്കാന് ചെറുപ്പകാലം മുതല് ഓരോ വ്യക്തിയും പഠിക്കുന്നത് മാതാപിതാക്കളില് നിന്നാണ്. കൂട്ടത്തില് വിദ്യാലയങ്ങളില് നിന്നും ഇത്തരം വിഷയങ്ങളില് ഇടപെടലുകള് ഉണ്ടാവേണ്ടതുണ്ട്. ഇനിയും മിണ്ടാതെ ഇരിക്കരുത്, ഞങ്ങള് ഒരുപാടു പേരുണ്ട് സഹായിക്കാന് എന്നോര്മിപ്പിക്കുന്നു.
Keywords: Kochi, News, Kerala, Top-Headlines, Cinema, Entertainment, Shane Nigam, Actor, Shane Nigam about dowry issue
