'മിന്നല് മുരളി'ക്കായി കാത്തിരിപ്പോടെ സിനിമാപ്രേമികള്; പുതിയ ഗാനം പുറത്തുവിട്ടു
കൊച്ചി: (www.kasargodvartha.com 08.12.2021) മലയാളത്തിലെ ആദ്യ സൂപെര്ഹീറോ ചിത്രം എന്ന വിശേഷണത്തോടെ എത്തുന്ന 'മിന്നല് മുരളി'യിലെ പുതിയ ഗാനം പുറത്തുവിട്ട് അണിയറ പ്രവര്ത്തകര്. 'എടുക്കാ കാശായ്' എന്ന് തുടങ്ങുന്ന ഗാനത്തിന് വരികള് എഴുതിയിരിക്കുന്നത് മനു മഞ്ജിത്ത് ആണ്. സംഗീതം പകര്ന്നിരിക്കുന്നത് ശാന് റഹ് മാനും പാടിയിരിക്കുന്നത് ശ്വേത അശോകുമാണ്.
ടൊവിനോ തോമസിനെ നായകനാക്കി ബേസില് ജോസഫ് സംവിധാനം ചെയ്യുന്ന 'മിന്നല് മുരളി'ക്കായി വലിയ കാത്തിരിപ്പിലാണ് സിനിമാപ്രേമികള്. വീകെന്ഡ് ബ്ലോക്ബസ്റ്റേഴ്സിന്റെ ബാനറില് സോഫിയ പോള് നിര്മിക്കുന്ന ചിത്രത്തില് ഗുരു സോമസുന്ദരം, അജു വര്ഗീസ്, ബൈജു, ഹരിശ്രീ അശോകന്, ഫെമിന ജോര്ജ് തുടങ്ങിയവരും അഭിനയിക്കുന്നു. അരുണ് അനിരുദ്ധന്, ജസ്റ്റിന് മാത്യു എന്നിവരുടേതാണ് തിരക്കഥ.
ഡയറക്റ്റ് ഒടിടി റിലീസ് ആയി എത്തുന്ന ചിത്രം നെറ്റ്ഫ്ളിക്സിന്റെ ക്രിസ്മസ് റിലീസ് ആണ്. ഡിസംബര് 24നാണ് ചിത്രം നെറ്റ്ഫ്ളിക്സ് റിലീസ് ചെയ്യുക. എന്നാല് അതിന് മുന്പ് ജിയോ മാമി മുംബൈ ഫിലിം ഫെസ്റ്റിവലിലാണ് ചിത്രത്തിന്റെ വേള്ഡ് പ്രീമിയര് നടക്കുക. ഈ മാസം 16നാണ് ജിയോ മാമിയിലെ പ്രദര്ശനം.
Keywords: Kochi, News, Kerala, Top-Headlines, Cinema, Entertainment, Video, Actor, Movie, New song of movie Minnal Murali
