മിനി സ്‌ക്രീന്‍ താരം ചിലങ്ക വിവാഹിതയായി

By Webdesk ViApr 2, 2019, 13:38 IST

കൊച്ചി:(www.kasargodvartha.com 02/04/2019) മിനി സ്‌ക്രീന്‍ താരം ചിലങ്ക വിവാഹിതയായി. രഞ്ജിത്ത് ആണ് വരന്‍. മിനി സ്‌ക്രീന്‍ പരമ്പരകളിലൂടെ മലയാളി പ്രേക്ഷകര്‍ക്ക് സുപരിചിതയായ നടി ചിലങ്ക കഴിഞ്ഞ ദിവസമാണ് വിവാഹിതയായത്. ഗുരുവായൂര്‍ ക്ഷേത്രത്തില്‍ വച്ചായിരുന്നു വിവാഹം. സീരിയല്‍ താരങ്ങളായ സൗപര്‍ണിക, ഭര്‍ത്താവും നടനുമായ സുഭാഷ്, അഞ്ജിത തുടങ്ങിയവര്‍ ചടങ്ങിന് സ്‌ക്ഷ്യം വഹിച്ചിരുന്നു.

വിനയന്‍ ചിത്രം ലിറ്റില്‍ സൂപ്പര്‍ സ്റ്റാറിലൂടെയാണ് ചിലങ്ക അഭിനയ രംഗത്തെത്തുന്നത്. തുടര്‍ന്ന് മിനിസ്‌ക്രീന്‍ പരമ്പരകളില്‍ സജീവമാവുകയായിരുന്നു. മഴവില്‍ മനോരമയില്‍ സംപ്രേക്ഷണം ചെയ്തിരുന്ന ആത്മസഖി എന്ന പരമ്പരയിലെ ചാരുലത എന്ന കഥാപാത്രമാണ് ചിലങ്കയെ പ്രേക്ഷക ശ്രദ്ധ ആകര്‍ഷിച്ചത്.