ബോളിവുഡില്‍ തൊണ്ണൂറുകളില്‍ തിളങ്ങി നിന്ന താരജോഡികള്‍ മാധുരി ദീക്ഷിതും അനില്‍ കപൂറും വീണ്ടും ഒന്നിക്കുന്നു.

By Webdesk ViDec 7, 2017, 16:41 IST

മുംബൈ:(www.kasargodvartha.com 07/12/2017) തൊണ്ണൂറുകളില്‍ ബോളിവുഡ് സിനിമാലോകത്ത് തിളങ്ങി നിന്ന സൂപ്പര്‍ ഹിറ്റ് താരജോഡികളായ അനില്‍ കപൂറും മാധുരി ദീക്ഷിതും പതിനേഴ് വര്‍ഷത്തെ ഇടവേളയ്ക്ക് ശേഷം വീണ്ടും ഒന്നിക്കുന്നു.ഇന്‍ദര്‍ കുമാര്‍ സംവിധാനം ചെയ്യുന്ന 'ടോട്ടല്‍ ദമാല്‍' ലിലൂടെയാണ് ഇരുവരും ഒന്നിക്കുന്നത്.

ചിത്രത്തില്‍ അജയ് ദേവ്ഗണ്‍, അര്‍ഷാദ് വാര്‍സി, റിതേഷ് ദേശ്മുഖ്, ജാവേദ് ജാഫ്രി തുടങ്ങിയവരും അഭിനയിക്കുന്നുണ്ട്. അമേരിക്കയില്‍ കുടുംബവുമായി താമസമാക്കുന്ന ഒരു ബോളിവുഡ് നടിയുടെ ജീവിതമാണ് സിനിമയുടെ ഇതിവൃത്തം. 2000 ത്തില്‍ പുറത്തിറങ്ങിയ 'പുകാര്‍' ആണ് അനില്‍ കപൂറും മാധുരി ദീക്ഷിതും ഒരുമിച്ച് അഭിനയിച്ച അവസാനത്തെ ചിത്രം.