Trailer | ഭീതി നിറഞ്ഞ ഒരു യാത്ര: 'ഡ്രെഡ്ഫുൾ ചാപ്റ്റേഴ്സ്' ട്രെയ്‌ലർ പുറത്ത്

കൊച്ചി: (KasargodVartha) നിർമ്മൽ ബേബി വർഗീസ് സംവിധാനം ചെയ്ത ടൈം ലൂപ് ഹൊറർ ചിത്രമായ 'ഡ്രെഡ്ഫുൾ ചാപ്റ്റേഴ്സ്' എന്ന ചിത്രത്തിന്റെ ട്രെയ്‌ലർ പുറത്തിറങ്ങി. കാസാബ്ലാങ്ക ഫിലിം ഫാക്ടറിയുടെ ബാനറിൽ ബേബി ചൈതന്യയും നിർമ്മൽ ബേബിയും ചേർന്ന് നിർമ്മിച്ച ചിത്രത്തിന്റെ ട്രെയ്‌ലർ സ്വാതന്ത്ര്യ ദിനത്തിൽ യൂട്യൂബിലൂടെ പുറത്തിറക്കി.

ഒറ്റപ്പെട്ട ഒരു ഹോംസ്റ്റേയിൽ അവധിക്കാലം ആഘോഷിക്കാൻ എത്തുന്ന ആറ് സുഹൃത്തുക്കളുടെ അനുഭവങ്ങളാണ് ചിത്രം പറയുന്നത്. ഒരു ഗുഹയിൽ അകപ്പെട്ട് അവർ അഭിമുഖീകരിക്കുന്ന ഭീതിയാണ് ചിത്രത്തിന്റെ പ്രമേയം.

മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും ചിത്രം പുറത്തിറങ്ങും. നിരവധി അന്തർദേശീയ ചലച്ചിത്ര മേളകളിൽ ശ്രദ്ധ നേടിയ ചിത്രത്തിന് നിരവധി അവാർഡുകളും ലഭിച്ചിട്ടുണ്ട്.

ജെഫിൻ ജോസഫ്, വരുൺ രവീന്ദ്രൻ, ആര്യ കൃഷ്ണൻ, നിബിൻ സ്റ്റാനി, ശ്യാം സലാഷ്, ലാസ്യ ബാലകൃഷ്ണൻ എന്നിവരാണ് പ്രധാന കഥാപാത്രങ്ങൾ. സംവിധായകൻ തന്നെയാണ് എഡിറ്റിംഗും സൗണ്ട് ഡിസൈനിങ്ങും നിർവഹിച്ചിരിക്കുന്നത്.

എക്സിക്യൂട്ടീവ് പ്രൊഡ്യൂസർ: ജെഫിൻ ജോസഫ്. ഛായാഗ്രഹണം: മിഥുൻ ഇരവിൽ. സെക്കൻഡ് യൂണിറ്റ് ക്യാമറ: ഷോബിൻ ഫ്രാൻസിസ്. ഫൈനൽ മിക്സിങ് ആൻഡ് റെക്കോർഡിങ്: ജസ്റ്റിൻ ജോസഫ്. ലൈൻ പ്രൊഡ്യൂസർ: ബ്രയൻ ജൂലിയസ് റോയ്. മേക്കപ്പ്-ആർട്ട്: രഞ്ജിത്ത് എ. അസോസിയേറ്റ് ഡയറക്ടർമാർ: അരുൺ കുമാർ പനയാൽ, ശരൺ കുമാർ ബാരെ. ചീഫ് അസോസിയേറ്റ് ക്യാമറ: സിദ്ധാർഥ് പെരിയടത്ത്. സ്റ്റിൽസ്: എം. ഇ. ഫോട്ടോഗ്രാഫി. സോഷ്യൽ മീഡിയ പ്രൊമോഷൻ: ഇൻഫോടെയ്ൻമെന്റ് റീൽസ്.

ഈ ത്രില്ലർ ചിത്രത്തിന്റെ ട്രെയ്‌ലർ ഇതിനകം തന്നെ വൈറലായി മാറിയിരിക്കുകയാണ്. ഭീതി നിറഞ്ഞ ദൃശ്യങ്ങളും സംഘർഷ നിമിഷങ്ങളുമാണ് ട്രെയ്‌ലറിൽ ഉൾപ്പെടുത്തിയിരിക്കുന്നത്.

ചിത്രത്തിന്റെ റിലീസ് തീയതി ഇതുവരെ പ്രഖ്യാപിച്ചിട്ടില്ല.

#DreadfulChapters #MalayalamHorror #NewMovie #TrailerRelease #IndianCinema #HorrorFans #TimeLoop #SuspenseThriller