ചീമേനി തുറന്ന ജയിലിലെ തടവുകാരുടെ പഞ്ചാരിമേളം
Oct 31, 2012, 16:15 IST
ചെറുവത്തൂര്‍ : ചീമേനി തുറന്ന ജയിലിലെ 18 അന്തേവാസികള്‍ ജോലി കഴിഞ്ഞുള്ള വിശ്രമവേള ആനന്ദമാക്കാന്‍ ചെണ്ടമേളം പഠിക്കുകയാണ്. ജയിലിലെ അന്തേവാസിയായ മാറാട് സ്വദേശി ഇ.പി.ശശിയാണ് തടവുകാരെ ചെണ്ടമേളം പഠിപ്പിക്കുന്നത്.
42 ദിവസം നീണ്ട പരിശീലനം ജയിലിലെ ആട് ഫാമിനോട്‌ചേര്‍ന്നുള്ള ഷെഡില്‍ വെച്ചാണ് നടത്തുന്നത്. ജയിലിനുള്ളിലെ ജോലികള്‍ കഴിഞ്ഞതിനുശേഷം നാലുമണിയോടുകൂടിയാണ് പരിശീലനം നടത്താന്‍ സമയം കണ്ടെത്തുന്നത്. കാട്ടുമരങ്ങളുടെ കമ്പുകള്‍ ചെണ്ടക്കോലാക്കി മരക്കട്ടയിലടിച്ചാണ് പരിശീലനം നടത്തുന്നത്.
പഞ്ചാരിമേളം, ചെമ്പട എന്നിവ പരിശീലിക്കുന്ന തടവുകാര്‍ ഒരുമാസത്തിനുള്ളില്‍ അരങ്ങേറ്റം കുറിക്കാന്‍ കഴിയുമെന്നാണ് പ്രതീക്ഷിക്കുന്നത്. വി.ഐ.പി. സന്ദര്‍ശന വേളയിലും, ജയിലിലെ പരിപാടികള്‍ക്കും മേളക്കൊഴുപ്പേകാന്‍ ഇനി തടവുകാര്‍ മുന്നിലുണ്ടാകും. ജയില്‍ സൂപ്രണ്ടിന്റേയും,സഹ ഉദ്യോഗസ്ഥരുടെയും നേതൃത്വത്തിലാണ് തടവുകാരുടെ ചെണ്ടമേളം. ചെണ്ടമേളം സ്വന്തമാക്കുന്ന ഏക ജയിലായി ചീമേനി തുറന്ന ജയില്‍ മാറും.
Keywords : Cheemeni, Jail, Study class, Work, Practice-Camp, Forest, Visit, Entertainment, Employees, Kerala, Band training of jail inmates
Tags
Share this story
