ബ്രിട്ടനിൽ ലെ മാൻസ് കപ്പ് കാർ റേസിങ് ഫ്ലാഗ് ഓഫ് ചെയ്ത് വിജയ്; ട്രാക്കിൽ ആവേശമായി അജിത്തും, ലണ്ടനിൽ ഒത്തുചേർന്ന് താരങ്ങൾ

ലണ്ടൻ: (KasargodVartha) ബ്രിട്ടനിൽ നടക്കുന്ന പ്രസിദ്ധമായ ലെ മാൻസ് കപ്പ് കാർ റേസിങ് മത്സരം ഫ്ലാഗ് ഓഫ് ചെയ്ത് നടനും തമിഴ്‌നാട് മുഖ്യമന്ത്രിയുമായ വിജയ്. സിൽവർസ്റ്റോൺ ട്രാക്കിൽ 44 കാറുകൾ അണിനിരന്ന ഗ്രിഡാണ് അദ്ദേഹം ഫ്ലാഗ് ഓഫ് ചെയ്തത്. പ്രശസ്ത നടനും മോട്ടോർസ്പോർട്ട് താരവുമായ അജിത് കുമാറും ഈ റേസിൽ മത്സരിച്ചുവെന്നതാണ് ഏറെ ശ്രദ്ധേയമായ കാര്യം.

ട്രാക്കിൽ ആവേശമായി അജിത്

റെഡ് ആൻഡ് ബൈ വിരാജ് ടീമിനായി എൽഎംപി 3 പ്രോ-ആം വിഭാഗത്തിൽ അഞ്ചാം റൗണ്ടിലാണ് അജിത് മത്സരിക്കാനിറങ്ങിയത്. ഫ്രഞ്ച് ഡ്രൈവർ റൊമെയ്‌ൻ വോസ്‌നിയാക്കിയും അദ്ദേഹത്തിനൊപ്പമുണ്ടായിരുന്നു. മുൻ ഫോർമുല വൺ താരം നരേൻ കാർത്തികേയൻ, ആദിത്യ പട്ടേൽ എന്നിവരടങ്ങുന്ന സംഘവും സിൽവർസ്‌റ്റോണിൽ മത്സരരംഗത്തുണ്ടായിരുന്നു.

എട്ടാമതായി യോഗ്യത നേടിയിരുന്ന അജിത്തിനും വോസ്‌നായിക്കിക്കും മത്സരത്തിൽ കാര്യമായി തിളങ്ങാനായില്ല. ഇരുവരും 38-ാം സ്ഥാനത്താണ് ഫിനിഷ് ചെയ്തത്. സ്റ്റീവ് പാരോയും മൈക്കൽ പെഡേഴ്‌സണും ഉൾപ്പെട്ട എഎൻഎസ് മോട്ടോർസ്പോർട്ട് ടീമാണ് റേസിൽ ഒന്നാമതെത്തിയത്. 

ഒത്തുചേർന്ന് താരങ്ങൾ

മത്സരത്തിന് മുൻപ് അജിത്തും വിജയ്‌യും ഒത്തുചേരുന്നതിൻ്റെ വീഡിയോ സമൂഹമാധ്യമങ്ങളിൽ വൈറലായിരുന്നു. അജിത്തിന് അടുത്തേക്ക് ഓടിയെത്തി കെട്ടിപ്പിടിക്കുന്ന വിജയിയെ വീഡിയോയിൽ കാണാം. അജിത്തിൻ്റെ ടീമിനൊപ്പം അദ്ദേഹം ഫോട്ടോയ്ക്കും പോസ് ചെയ്തു. വിജയിയെ കൂടാതെ നടിമാരായ തൃഷ, രാധിക ശരത് കുമാർ, രാഷ്ട്രീയ നേതാവ് ആദവ് അർജുന എന്നിവരും കാർ റേസ് കാണാനെത്തിയിരുന്നു. 

സിനിമയുടെ ഷൂട്ടിങ്ങിൻ്റെ ഭാഗമായി രാധികയും തൃഷയും നേരത്തെ തന്നെ ലണ്ടനിലെത്തിയിരുന്നു. തൃഷയ്ക്കൊപ്പമുള്ള സെൽഫി സമൂഹമാധ്യമങ്ങളിൽ പങ്കുവെച്ച് രാധിക അജിത്തിന് ആശംസ നേരുകയും ചെയ്തിരുന്നു.

Article Summary: Actors Vijay and Ajith Kumar shared a viral moment at the Le Mans Cup car racing event at Silverstone, Britain, where Vijay flagged off the race and Ajith competed in the LMP3 class.

#KasargodVartha #LeMansCup #Silverstone #ActorVijay #AjithKumar #Motorsport #NarainKarthikeyan #Trisha #MalayalamNews #EntertainmentNews #AparnaNews