കെസെഫ് സ്‌കോളര്‍ഷിപ്പ് വിതരണം 24ന്

കാസര്‍കോട്: ജില്ലയില്‍ വിദ്യാഭ്യാസപരമായി പിന്നാക്കം നില്‍ക്കുന്ന പ്ലസ്‌ ടു  കഴിഞ്ഞ് ഉപരിപഠനത്തിന് ചേര്‍ന്ന കുട്ടികള്‍ക്കുള്ള യു.എ.ഇയിലെ കാസര്‍കോട്ടുകാരുടെ കൂട്ടായ്മയായ കെസെഫ് സ്‌കോളര്‍ഷിപ്പ് വിതരണം ചെയ്യും. 24ന് ഉച്ചയ്ക്ക് രണ്ട്മണിക്ക് നുള്ളിപ്പാടിയിലുള്ള ഹൈവേ കാസ്റ്റില്‍ ഓഡിറ്റോറിയത്തില്‍ നടക്കുന്ന ചടങ്ങില്‍ എം.പി, ജില്ലാ കലക്ടര്‍, എം.എല്‍.എമാര്‍, മുന്‍സിപ്പല്‍ ചെയര്‍മാന്‍, ഗള്‍ഫ് പ്രതിനിധികള്‍ തുടങ്ങിയവര്‍ പങ്കെടുക്കും.

കേരളത്തില്‍ മെഡിക്കല്‍ എന്‍ട്രന്‍സില്‍ ഒന്നാം റാങ്ക് നേടിയ ഗോകുല്‍ ജി നായരെ അനുമോദിക്കും. ഇതുസംബന്ധമായി ചേര്‍ന്ന യോഗത്തില്‍ കെസെഫ് വൈസ് ചെയര്‍മാന്‍ അസൈനാര്‍ തോട്ടുംഭാഗം അധ്യത വഹിച്ചു. സെക്രട്ടറി മാധവന്‍ അണിഞ്ഞ, കെവീസ് ബാലകൃഷ്ണന്‍, മാമു മൗവ്വല്‍, ശശിധരന്‍ കാട്ടിപ്പാറ, അസ്‌ലം പടിഞ്ഞാര്‍, നിസാര്‍ തളങ്കര, റഫീഖ് തളങ്കര, പി. സുകുമാരന്‍ നായര്‍ തുടങ്ങിയവര്‍ പങ്കെടുത്തു.