തെക്കില്‍ പറമ്പ ഗവണ്‍മെന്റ് യു പി സ്‌കൂളില്‍ പൂര്‍വകാല അധ്യാപക സംഗമം നടത്തി

ചട്ടഞ്ചാല്‍: (www.kasargodvartha.com 06.09.2016) തെക്കില്‍ പറമ്പ ഗവണ്‍മെന്റ് യു പി സ്‌കൂളില്‍ ദീര്‍ഘകാലം സേവനമനുഷ്ടിക്കുകയും സര്‍വീസില്‍ നിന്നും വിരമിക്കുകയും ചെയ്ത അധ്യാപകരെ ആദരിക്കുന്നതിനു വേണ്ടി അധ്യാപക ദിനത്തോടനുബന്ധിച്ച് പൂര്‍വകാല അധ്യാപക സംഗമം നടത്തി. ചെമ്മനാട് ഗ്രാമ പഞ്ചായത്ത് വൈസ് പ്രസിഡന്റ് ശകുന്തള കൃഷ്ണന്റെ അധ്യക്ഷതയില്‍ ജില്ലാ പഞ്ചായത്ത് വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍പേര്‍സണ്‍ സുഫൈജ അബൂബക്കര്‍ ഉദ്ഘാടനം ചെയ്തു.

ബ്ലോക്ക് പഞ്ചായത്ത് വികസന സ്റ്റാന്‍ഡിംഗ് കമ്മിറ്റി ചെയര്‍മാന്‍ ടി ഡി കബീര്‍ പൂര്‍വകാല അധ്യാപകരെ പൊന്നാട അണിയിച്ചു. പി ടി എ വൈസ് പ്രസിഡന്റ് സിദ്ദീഖ് ചട്ടഞ്ചാല്‍, മദര്‍ പി ടി എ പ്രസിഡന്റ് വന്ദന വിജയന്‍, പൂര്‍വകാല അധ്യാപകരായ കരിച്ചേരി നാരായണന്‍ മാസ്റ്റര്‍, പി കമലാക്ഷന്‍ മാസ്റ്റര്‍, വി സരസ്വതികുട്ടി ടീച്ചര്‍, കെ കമലാക്ഷി ടീച്ചര്‍ തുടങ്ങിയവര്‍ സംസാരിച്ചു.

ഹെഡ്മാസ്റ്റര്‍ എ ജെ പ്രദീപ് ചന്ദ്രന്‍ സ്വാഗതവും സ്റ്റാഫ് സെക്രട്ടറി ടി കെ ശ്രീധരന്‍ നന്ദിയും പറഞ്ഞു.


Keywords : Chattanchal, School, Teachers, Meeting, Inauguration, Education, Felicitation, Thekkil Parambha School.