നവരാത്രി ആഘോഷം; സെപ്റ്റംബർ 30-ന് സർക്കാർ പൊതു അവധി

തിരുവനന്തപുരം: (KasargodVartha) നവരാത്രി ആഘോഷങ്ങളുടെ ഭാഗമായി സെപ്റ്റംബർ 30-ന് (ചൊവ്വാഴ്ച) സംസ്ഥാന സർക്കാർ പൊതു അവധി പ്രഖ്യാപിച്ചു. പൂജവയ്പ് ദിനമായ അന്നാണ് പൊതു അവധി പ്രഖ്യാപിച്ചിരിക്കുന്നത്. ഇതുസംബന്ധിച്ച് പൊതുഭരണ വകുപ്പാണ് ഉത്തരവ് പുറത്തിറക്കിയത്.

സംസ്ഥാനത്തെ സർക്കാർ, അർദ്ധസർക്കാർ, പൊതുമേഖലാ സ്ഥാപനങ്ങൾ എന്നിവയ്ക്ക് അവധി ബാധകമായിരിക്കും. നെഗോഷ്യബിൾ ഇൻസ്ട്രുമെൻ്റ് ആക്ട് പ്രകാരം പ്രവർത്തിക്കുന്ന സ്ഥാപനങ്ങൾക്കും അവധി ലഭിക്കും. കൂടാതെ, പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും അവധി ഉണ്ടായിരിക്കുന്നതാണ്.

അതേസമയം, നിയമസഭാ സമ്മേളനം പ്രസ്തുത ദിവസം നടക്കുന്നതിനാൽ നിയമസഭാ പ്രവർത്തനവുമായി ബന്ധപ്പെട്ട ഉദ്യോഗസ്ഥർ ചുമതല നിർവ്വഹിക്കണമെന്ന് ഉത്തരവിൽ പ്രത്യേകം വ്യക്തമാക്കിയിട്ടുണ്ട്. ഗവർണറുടെ ഉത്തരവിൻ പ്രകാരം അഡീഷണൽ ചീഫ് സെക്രട്ടറി ബിശ്വനാഥ് സിൻഹയാണ് ഇതുസംബന്ധിച്ച ഉത്തരവ് പുറത്തിറക്കിയത്.
 

നവരാത്രി അവധി പ്രഖ്യാപനത്തെക്കുറിച്ചുള്ള നിങ്ങളുടെ അഭിപ്രായം കമൻ്റ് ചെയ്യുക. 

Article Summary: Public holiday declared on September 30 for Navaratri (Pooja Vaypu); Assembly staff excluded.

#NavaratriHoliday #KeralaHoliday #PoojaVaypu #KeralaGovernment #PublicHoliday #September30