യൂണിവേഴ്‌സിറ്റി അധികൃതരുടെ നിലപാട് ജില്ലയോട് തുടരുന്ന അവഗണന: എം.എസ്.എഫ്

കാസര്‍കോട്: കേന്ദ്രസര്‍വകലാശാല ആസ്ഥാനത്ത് ഡിഗ്രി കോഴ്‌സുകള്‍ നടത്താതെ വിവിധ ഡിഗ്രി കോഴ്‌സുകള്‍ തിരുവനന്തപുരം ക്യാമ്പസിലേക്ക് മാറ്റാനുള്ള യൂണിവേഴ്‌സിറ്റി അധികൃതരുടെ നിലപാട് ജില്ലയോട് തുടരുന്ന അവഗണനയാണെന്ന് എം.എസ്.എഫ് ജില്ലാ സെക്രട്ടറിയേറ്റ് യോഗം ആരോപിച്ചു.

വിദ്യാഭ്യാസപരമായി പിന്നോക്കം നില്‍ക്കുന്ന കാസര്‍കോടിന് വിദ്യാഭ്യാസ പുരോഗതി ലക്ഷ്യമാക്കിയാണ് ജില്ലയില്‍ ആസ്ഥാനം ലഭ്യമായത്. കേവലം പി.ജി കോഴ്‌സുകള്‍ മാത്രം നടത്തി ഡിഗ്രി കോഴ്‌സുകള്‍ മുഴുവനും മാറ്റുന്നത് പ്രതിഷേധാര്‍ഹമാണ്. ഇത്തരം നീക്കങ്ങള്‍ക്ക് കൂട്ടുനില്‍ക്കുന്ന സര്‍വകലാശാല വൈസ് ചാന്‍സിലര്‍ അടക്കമുള്ള ഉദ്യോഗസ്ഥ ലോബികള്‍ക്കെതിരെ ജില്ലയിലെ മുഴുവന്‍ വിദ്യാര്‍ത്ഥി സംഘടനകളെയും കൂട്ടിയോജിപ്പിച്ചു കൊണ്ട് ശക്തമായ പ്രക്ഷോഭത്തിന് എം.എസ്.എഫ് നേതൃത്വം നല്‍കുമെന്ന് യോഗം മുന്നറിയിപ്പ് നല്‍കി.

പ്രസിഡണ്ട് സഹീര്‍ ആസിഫ് അധ്യക്ഷത വഹിച്ചു. ജനറല്‍ സെക്രട്ടറി റൗഫ് ബാവിക്കര സ്വാഗതം പറഞ്ഞു. അസീസ് കളത്തൂര്‍, ഹാഷിം ബംബ്രാണി, ഹുസാം പള്ളങ്കോട്, ആസിഫ് ഉപ്പള, ഷംസുദ്ദീന്‍ കിന്നിംഗാര്‍, സാദിഖുല്‍ അമീന്‍ എന്നിവര്‍ സംബന്ധിച്ചു.
Keywords: Kasaragod, MSF, University, Kerala, Education, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.