വിദ്യാര്‍ത്ഥികള്‍ക്കിനി ബാഗും കുടയുമേന്തി നടക്കേണ്ട; സ്‌കൂളിന് ബസ് കൈമാറി

By Web Desk SUJul 21, 2017, 18:42 IST

ചെര്‍ക്കള: (www.kasargodvartha.com 21.07.2017) പാടി വിദ്യാരണ്യ സ്‌കൂളിന് ബസ് കൈമാറി. പി ബി അബ്ദുര്‍ റസാഖ് എം എല്‍ എയാണ് സ്‌കൂളിലേക്ക് ബസ് നല്‍കിയത്. നൂറ് കണക്കിന് വിദ്യാര്‍ത്ഥികളുടെ യാത്ര ദുരിതത്തിനാണ് ഇതോടെ അറുതിയായത്. 560 ലേറെ വിദ്യാര്‍ത്ഥികളാണ് പാടി വിദ്യാരണ്യ എ എല്‍ പി സ്‌കൂളില്‍ പഠിക്കുന്നത്.

കാല്‍നടയാത്ര പോലും ദുഷ്‌കരമായ റോഡിലൂടെ മഴക്കാലത്ത് കുട്ടികള്‍ ഏറെ ബുദ്ധിമുട്ടിയാണ് സ്‌കൂളിലെത്തുന്നത്. ഈ പ്രശ്‌നം കണക്കിലെടുത്താണ് പി ബി അബ്ദുര്‍ റസാഖ് എം എല്‍ എ സ്‌കൂളിലേക്ക് പുതിയ ബസ് ലഭ്യമാക്കിയത്. നേരത്തെ നാലാം ക്ലാസ് വരെ മാത്രം ഉണ്ടായിരുന്ന സ്‌കൂളില്‍ ഇത്തവണ അഞ്ചാം ക്ലാസ് വരെയുണ്ട്.