മീഞ്ച അസാസുദ്ദീൻ ഇസ്ലാമിക് എജുകേഷനൽ സെന്ററിന്റെ വാർഷികവും സനദ് ദാന സമ്മേളനവും ഫെബ്രുവരി ഏഴിന്

കാസർകോട്: (www.kasargodvartha.com 04.02.2022) മഞ്ചേശ്വരം മീഞ്ചയിലെ അസാസുദ്ദീൻ ഇസ്ലാമിക് എജുകേഷനൽ സെന്ററിന്റെ വാർഷികവും മൗലവി ആലിം ബദവി ബിരുദം കരസ്ഥമാക്കി ദഅവ രംഗതിറങ്ങുന്ന പണ്ഡിതർക്കുള്ള സനദ് ദാന സമ്മേളനവും ഫെബ്രുവരി ഏഴിന് മൂന്ന് മണിക്ക് നടക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു.
                                   
സ്വാഗതസംഘം ചെയർമാൻ മുശ്താഖ്‌ ഹാജി പതാക ഉയർത്തും. നാല് മണിക്ക് സയ്യിദ് ബദ്റുദ്ദീൻ തങ്ങൾ പ്രാർഥന നിർവഹിക്കും. മൂസൽ മദനി അധ്യക്ഷത വഹിക്കും. മുഹമ്മദ് സഖാഫി പാത്തൂർ ഉദ്ഘാടനം ചെയ്യും. മുഹമ്മദ് അലി സഖാഫി സുരിബൈൽ ഉദ്ബോധനം നടത്തും. സയ്യിദ് ജലാലുദ്ദീൻ അൽ ബുഖാരി മള്ഹർ സ്ഥാന വസ്ത്രം നൽകും. മുഹമ്മദ് സഖാഫി തോക്കെ സ്വാഗതവും ആശിഖ് സഖാഫി നന്ദിയും പറയും

ഏഴ് മണിക്ക് സമാപന സമ്മേളനത്തിൽ സയ്യിദ് ജലാലുദ്ദീൻ അൽ ബുഖാരി മള്ഹർ പ്രാർഥന നിർവഹിക്കും. പള്ളങ്കോട് അബ്ദുൽ ഖാദിർ മദനി അധ്യക്ഷത വഹിക്കും. സയ്യിദ് കെ എസ് ആറ്റക്കോയ തങ്ങൾ കുമ്പോൽ ഉദ്ഘാടനം ചെയ്യും. സയ്യിദ് അലി ബാഫഖി തങ്ങൾ കൊയിലാണ്ടി സനദ് ദാനം നിർവഹിക്കും. അബ്ദുൽ ശുകൂർ സഅദി തിരുവട്ടൂർ സനദ് ദാന പ്രഭാഷണം നടത്തും. അബ്ദുല്ല മദനി, അബ്ദുൽ ഖാദിർ സഖാഫി കാട്ടിപ്പാറ പ്രഭാഷണം നടത്തും.