കുണ്ടംകുഴി സ്കൂളിലെ അനധികൃത പണപ്പിരിവ്: കെഎസ്‌യു-കോൺഗ്രസ് നേതൃത്വം പ്രിൻസിപ്പലുമായി ചർച്ച നടത്തി, സമരസൂചന

കാസർകോട്: (KasargodVartha) കുണ്ടംകുഴി ഗവൺമെൻ്റ് ഹയർസെക്കൻഡറി സ്കൂളിൽ വിദ്യാർഥികളിൽ നിന്ന് അനധികൃതമായി പണം പിരിക്കുന്നു എന്ന പരാതിയിൽ, കെഎസ്‌യു-കോൺഗ്രസ് നേതാക്കൾ പ്രിൻസിപ്പലുമായി കൂടിക്കാഴ്ച നടത്തി.
 

കെഎസ്‌യു ജില്ലാ പ്രസിഡൻ്റ് അഡ്വ. ജവാദ് പുത്തൂർ, ബേഡകം മണ്ഡലം കോൺഗ്രസ് കമ്മിറ്റി പ്രസിഡൻ്റ് കുഞ്ഞികൃഷ്ണൻ മാടക്കല്ല്, കെഎസ്‌യു ജില്ലാ സെക്രട്ടറി മണികണ്ഠൻ, കെഎസ്‌യു മണ്ഡലം പ്രസിഡൻ്റ് ശ്രീരാജ് മാടക്കല്ല്, സൂര്യജിത്ത്, അതുൽരാജ്, അഖിൽരാജ് എന്നിവരുടെ നേതൃത്വത്തിലാണ് പ്രിൻസിപ്പലിനെ കണ്ടത്.

വിവിധ സാമ്പത്തിക സാഹചര്യങ്ങളിൽ നിന്നുള്ള വിദ്യാർഥികളിൽ നിന്ന് വലിയ തുക പിരിക്കുന്നത് അവർക്ക് കടുത്ത പ്രയാസങ്ങളുണ്ടാക്കുമെന്നും, പണം നൽകാൻ കഴിയാത്ത വിദ്യാർഥികൾക്ക് മാനസിക ബുദ്ധിമുട്ടുകൾക്കും വേർതിരിവിനും ഇത് കാരണമാകുമെന്നും നേതാക്കൾ പ്രിൻസിപ്പലിനെ ബോധ്യപ്പെടുത്തി. ഈ വിഷയത്തിൽ അടിയന്തരമായി പരിഹാരം കാണണമെന്ന് അവർ ആവശ്യപ്പെട്ടു.

ഈ തീരുമാനം അടിയന്തരമായി പിൻവലിച്ചില്ലെങ്കിൽ ശക്തമായ സമരപരിപാടികളുമായി മുന്നോട്ട് പോകുമെന്ന് കെഎസ്‌യു-കോൺഗ്രസ് നേതാക്കൾ പ്രിൻസിപ്പലിനെ അറിയിച്ചു.

ഈ വാർത്തയെക്കുറിച്ച് നിങ്ങളുടെ അഭിപ്രായം പങ്കുവെക്കുക.

Article Summary: KSU-Congress leaders confront Kundamkuzhi school principal over illegal fee collection, warn of protests.

#KundamkuzhiSchool, #FeeCollection, #KSUProtest, #CongressKerala, #StudentRights, #KeralaEducation