കനത്ത മഴ മുന്നറിയിപ്പ്: കാസർകോട്ട് വിദ്യാഭ്യാസ സ്ഥാപനങ്ങൾക്ക് ബുധനാഴ്ച അവധി പ്രഖ്യാപിച്ചു

കാസർകോട്: (KasargodVartha) ജില്ലയിൽ കേന്ദ്ര കാലാവസ്ഥാ വകുപ്പ് തീവ്ര മഴയ്ക്കുള്ള സാധ്യത പ്രവചിച്ചതിനാലും ഓറഞ്ച് അലർട്ട് പ്രഖ്യാപിച്ചതിനാലും മുൻകരുതൽ നടപടിയായി ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ജൂലൈ ഒന്നിന് ബുധനാഴ്ച അവധി പ്രഖ്യാപിച്ചു. ശക്തമായ മഴ തുടരുന്നതിനാലാണ് ജില്ലാ ഭരണകൂടം അടിയന്തരമായി അവധി പ്രഖ്യാപിച്ചത്. 

അവധി ബാധകമായ സ്ഥാപനങ്ങൾ

കോളേജുകൾ, പ്രൊഫഷണൽ കോളേജുകൾ, സ്കൂളുകൾ, അങ്കണവാടികൾ, ട്യൂഷൻ സെന്ററുകൾ, ഐസിഎസ്ഇ, സിബിഎസ്ഇ സ്കൂളുകൾ, കേന്ദ്രീയ വിദ്യാലയങ്ങൾ, മദ്രസകൾ ഉൾപ്പെടെയുള്ള മതവിദ്യാഭ്യാസ സ്ഥാപനങ്ങൾ അടക്കം എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമായിരിക്കും. എന്നാൽ, റസിഡൻഷ്യൽ സ്കൂളുകൾക്ക് ഈ അവധി ബാധകമല്ലെന്ന് അധികൃതർ പ്രത്യേകം അറിയിച്ചിട്ടുണ്ട്.

പരീക്ഷകൾക്ക് മാറ്റമില്ല

അവധി പ്രഖ്യാപിച്ചിട്ടുണ്ടെങ്കിലും, മുൻകൂട്ടി നിശ്ചയിച്ച സർവകലാശാലാ പരീക്ഷകൾക്കോ മറ്റ് പൊതു പരീക്ഷകൾക്കോ അഭിമുഖങ്ങൾക്കോ യാതൊരുവിധ മാറ്റവുമുണ്ടായിരിക്കുന്നതല്ല. 

കാലാവസ്ഥാ മുന്നറിയിപ്പുകളും അവധി സംബന്ധിച്ച വിവരങ്ങളും വിദ്യാർഥികളിലേക്കും രക്ഷിതാക്കളിലേക്കും എത്തുന്നതിനായി ഈ വാർത്ത വാട്സാപ്പ് ഗ്രൂപ്പുകളിൽ ഷെയർ ചെയ്യുക. പുതിയ വാർത്തകൾക്കായി ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ  ഫേസ്ബുക് പോസ്റ്റിന് താഴെ കമന്റായി രേഖപ്പെടുത്താം.

Article Summary: Due to heavy rain and an Orange Alert issued by the IMD, the Kasaragod district administration has declared a holiday for all educational institutions, including professional colleges, on Wednesday, July 1. Pre-scheduled exams and interviews will proceed without change.

#KasaragodNews #KeralaRain #SchoolHoliday #OrangeAlert #MonsoonUpdates #KeralaWeather #AparnaNews