പരീക്ഷയാണ്, പഠിച്ച കാര്യങ്ങള്‍ എങ്ങനെ ഓര്‍ത്തെടുക്കാം

തിരുവനന്തപുരം: (www.kasargodvartha.com 22.03.2022) പരീക്ഷയ്ക്ക് തയ്യാറെടുത്ത ഓരോ വിദ്യാര്‍ഥിയെയും പലപ്പോഴും അലട്ടുന്ന കാര്യമാണ് പഠിച്ചുവച്ച കാര്യങ്ങള്‍ ഓര്‍ത്തെടുക്കാന്‍ കഴിയുന്നില്ലെന്ന കാര്യം. അതിനാല്‍ പഠിച്ച കാര്യങ്ങള്‍ മറക്കാതെ എങ്ങനെ ഓര്‍ത്തിരിക്കാമെന്നത് പ്രധാനപ്പെട്ടതാണ്. പരീക്ഷാ പേടിയെ മാറ്റിവച്ച് വ്യക്തമായ ഒരു പ്ലാനിങിലൂടെ പഠിച്ചുവച്ച ഓരോ കാര്യങ്ങളും ഓര്‍ത്തെടുക്കാം. അതിനുള്ള ചില വഴികള്‍ നോക്കാം.

ഓരോ വിഷയങ്ങളും പാഠങ്ങളും പഠിക്കുമ്പോള്‍ വിദ്യാര്‍ഥികള്‍ ദൈനംദിന ജീവിതത്തിലെ ഏതെങ്കിലും വസ്തുവുമായോ പ്രവര്‍ത്തനവുമായോ അവയെ ബന്ധിപ്പിക്കാന്‍ ശ്രമിച്ച് നോക്കൂ. ഇത് വഴിയായി ഓര്‍മശക്തി വര്‍ധിപ്പിക്കാന്‍ സാധിക്കും. പരീക്ഷയെഴുതുന്ന വേളയില്‍ പാഠഭാഗങ്ങള്‍ ഓര്‍ത്തെടുക്കാന്‍ ഇത് സഹായിക്കും.