കാസര്‍കോട്ടും വ്യാഴാഴ്ച (16.08.2018) വിദ്യാഭ്യാസ സ്ഥാപനങ്ങള്‍ക്ക് അവധി

By Web Desk - MainAug 15, 2018, 19:06 IST

കാസര്‍കോട്: (www.kasargodvartha.com 15.08.2018) കനത്ത മഴ തുടരുന്ന സാഹചര്യത്തില്‍ കാസര്‍കോട് ജില്ലയിൽ വ്യാഴാഴ്ച (16.08.2018) വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചു. ജില്ലാ കലക്ടറുടെ ചുമതല വഹിക്കുന്ന എ ഡി എം എന്‍ ദേവിദാസ് ആണ് ഇക്കാര്യം അറിയിച്ചത്. അംഗണ്‍വാടി മുതല്‍ പ്രൊഫഷണല്‍ കോളജ് വരെയുള്ള എല്ലാ സ്ഥാപനങ്ങള്‍ക്കും അവധിയാണ്.

അതേസമയം ജില്ലയിലെ ദുരന്തനിവാരണ പ്രവര്‍ത്തനങ്ങള്‍ അവലോകനം ചെയ്യുന്നതിനും ഏകോപിപ്പിക്കുന്നതിനുമായുള്ള ഉന്നതതല അടിയന്തിര യോഗവും വ്യാഴാഴ്ച ചേരും. രാവിലെ 10.30 ന് കലക്ടറേറ്റ് മിനി കോണ്‍ഫറന്‍സ് ഹാളിലാണ് യോഗം. നിയുക്ത ജില്ലാ കലക്ടര്‍ സജിത് ബാബു യോഗത്തില്‍ പങ്കെടുക്കും. മുഴുവന്‍ വകുപ്പുമേധാവികളും യോഗത്തില്‍ കൃത്യസമയത്ത് ആവശ്യമായ വിവരങ്ങള്‍ സഹിതം ഹാജരാകേണ്ടതാണെന്ന് ജില്ലാ കലക്ടറുടെ ചുമതലയുള്ള എഡിഎം എന്‍. ദേവിദാസ് അറിയിച്ചു.