അധ്യാപനത്തിലും സാഹിത്യത്തിലും തിളങ്ങിയ ഇശൽ ഗ്രാമത്തിൻ്റെ അഭിമാനം: ഡോ. റുഖിയ മുഹമ്മദ് കുഞ്ഞിക്ക് നാടിന്റെ ആദരം

കാസർകോട്: (KasargodVartha) ഇശൽ ഗ്രാമമായ മൊഗ്രാലിൽനിന്ന് അധ്യാപന രംഗത്തും സാഹിത്യരംഗത്തും മികച്ച സംഭാവനകൾ നൽകിയ ഡോ. റുഖിയ മുഹമ്മദ് കുഞ്ഞിക്ക് അധ്യാപക ദിനത്തിൽ മൊഗ്രാൽ ദേശീയവേദി ആദരം അർപ്പിച്ചു.

കാഞ്ഞങ്ങാട് നെഹ്‌റു കോളേജിലെ ഇംഗ്ലീഷ് വിഭാഗം അസിസ്റ്റന്റ് പ്രൊഫസറായ ഡോ. റുഖിയ, കവയത്രിയും എഴുത്തുകാരിയും എന്ന നിലയിൽ നിരവധി പുരസ്കാരങ്ങൾ നേടിയിട്ടുണ്ട്.

അധ്യാപന രംഗത്തെ മാതൃകാപരമായ സേവനത്തിനും, സാഹിത്യ മേഖലയിലെ സംഭാവനകൾക്കും നൽകിയ ഈ ആദരം, ഡോ. റുഖിയയുടെ വീട്ടിൽവെച്ചാണ് നടന്നത്. വിരമിച്ച പ്രധാനാധ്യാപകൻ എം. മാഹിൻ ഡോ. റുഖിയയെ ഷാൾ അണിയിച്ച് ആദരിക്കുകയും ദേശീയവേദിയുടെ ഉപഹാരം സമ്മാനിക്കുകയും ചെയ്തു.

അവാർഡുകൾ എത്ര ലഭിച്ചാലും സ്വന്തം നാട്ടിൽനിന്ന് ലഭിക്കുന്ന അംഗീകാരത്തിന് പ്രത്യേക തിളക്കമുണ്ടെന്ന് ഡോ. റുഖിയ മറുപടി പ്രസംഗത്തിൽ പറഞ്ഞു. മൊഗ്രാൽ ദേശീയവേദി പ്രസിഡന്റ് ടി.കെ. അൻവർ അധ്യക്ഷത വഹിച്ചു.

കോഴിക്കോട് ഫാറൂഖ് കോളേജ് അസിസ്റ്റന്റ് പ്രൊഫസർ ഡോ. സീനത്ത്, അധ്യാപകരായ എൻ.എ. അബ്ദുൽ ഖാദർ, ശിഹാബ് കൊപ്പളം, ദേശീയവേദി ഭാരവാഹികളായ മുഹമ്മദ് അബ്കോ, എം.ജി.എ. റഹ്‌മാൻ, എം.എ. മൂസ, അഷ്റഫ് സാഹിബ്, എക്സിക്യൂട്ടീവ് അംഗങ്ങളായ എം.എ. അബൂബക്കർ സിദ്ദീഖ്, ടി.കെ. ജാഫർ, എച്ച്.എം. കരീം, ഹാരിസ് ബഗ്ദാദ് എന്നിവർ ചടങ്ങിൽ പങ്കെടുത്തു.

ഡോ. റുഖിയയെപ്പോലുള്ള അധ്യാപകർക്ക് ലഭിക്കുന്ന ആദരം സമൂഹത്തിന് നൽകുന്ന സന്ദേശമെന്താണ്? നിങ്ങളുടെ അഭിപ്രായം പങ്കുവെക്കൂ.

Article Summary: Dr. Ruqiya Muhammad Kunhi was honored by her hometown.

#DrRuqiya #Mogral #TeachersDay #Kasaragod #Education #Literature