സി ബി എസ് ഇ സീനിയര്‍ സെക്കന്‍ഡറി പരീക്ഷ: ആസിയ റിയക്ക് സൈക്കോളജിയില്‍ ദേശീയ തലത്തില്‍ ഒന്നാം സ്ഥാനം

By Web Desk - MainMay 2, 2019, 18:40 IST

കാസര്‍കോട്: (www.kasargodvartha.com 02.05.2019) ഇക്കഴിഞ്ഞ സി ബി എസ് ഇ സീനിയര്‍ സെക്കന്‍ഡറി പരീക്ഷയില്‍ ആസിയ റിയ സൈക്കോളജിയില്‍ നൂറില്‍ നൂറ് മാര്‍ക്ക് വാങ്ങി ദേശീയ തലത്തില്‍ ഒന്നാം റാങ്ക് കരസ്ഥമാക്കി. ഖത്തറിലെ എച്ച് ആര്‍ മാനേജര്‍ എം ബി മുഹമ്മദ്- മൊഗ്രാലിലെ സാമൂഹ്യ പ്രവര്‍ത്തക ഫാത്വിമത്ത് റസിയ കെ സിയുടെയും മകളാണ്. ആലിയ സീനിയര്‍ സെക്കന്‍ഡറി സ്‌കൂളിലെ വിദ്യാര്‍ത്ഥിനിയാണ്.

ഫിസിക്‌സ്, കെമിസ്ട്രി, ബയോളജി എന്നീ വിഷയങ്ങളോടൊപ്പം സൈക്കോളജി എടുത്താണ് ഈ മിടുക്കി നേട്ടം സ്വന്തമാക്കിയത്. ആലിയ സ്‌കൂളില്‍ സീനിയര്‍ സെക്കന്‍ഡറി വിഭാഗത്തില്‍ ഇപ്രാവശ്യം പരീക്ഷയെഴുതിയ മുഴുവന്‍ വിദ്യാര്‍ത്ഥികളും പാസായി നൂറുമേനി കരസ്ഥമാക്കി. റാങ്ക് ജേതാവായ റിയയെയും പാസായ മുഴുവന്‍ വിദ്യാര്‍ത്ഥികളെയും നേട്ടം കൈവരിക്കാന്‍ പ്രയത്‌നിച്ച അധ്യാപകരെയും സ്‌കൂള്‍ പ്രിന്‍സിപ്പലും മാനേജരും അഭിനന്ദിച്ചു.