Maritime University | കപ്പലിൽ ജോലി ചെയ്യാൻ ആഗ്രഹിക്കുന്നുണ്ടോ? ഇന്ത്യൻ മാരിടൈം യൂണിവേഴ്സിറ്റിയിലെ പ്രവേശനത്തിന് ഇപ്പോൾ അപേക്ഷിക്കാം; അറിയാം കൂടുതൽ!

ന്യൂഡെൽഹി:  (KasargodVartha) ഇൻഡ്യൻ മാരിടൈം യൂണിവേഴ്സിറ്റി (Indian Maritime University - IMU) കോമൺ എൻട്രൻസ് ടെസ്റ്റിന് (IMU-CET) അപേക്ഷിക്കുന്നതിന് ഇപ്പോൾ അവസരം. ഇ​ന്ത്യ​ൻ മാ​രി​ടൈം യൂണിവേഴ്സിറ്റിയുടെ വിവിധ കാ​മ്പസു​ക​ളി​ലും യൂണിവേഴ്സിറ്റിയുമായി അ​ഫി​ലി​യേ​റ്റ് ചെയ്തു പ്രവർത്തിക്കുന്ന വിവിധ സ്‌ഥാ​പ​ന​ങ്ങ​ളി​ലും അടുത്ത അധ്യയന വർഷത്തേക്കുള്ള വി​വി​ധ കോഴ്‌സുകളിലേക്കാണ് കോമൺ എൻട്രൻസ് ടെസ്റ്റ് വഴി പ്രവേശനം ലഭിക്കുക.

അപേക്ഷിക്കുന്നതിനുമുമ്പ് യോഗ്യതാ മാനദണ്ഡങ്ങൾ പരിശോധിക്കുക. ഔദ്യോഗിക വെബ്സൈറ്റിൽ നിങ്ങൾക്ക് യോഗ്യതാ മാനദണ്ഡങ്ങൾ കാണാം (https://www(dot)imu(dot)edu(dot)in/).  മെയ് അഞ്ച് വരെ ഓൺലൈനായി രജിസ്റ്റർ ചെയ്യാം. രാജ്യത്തെ വിവിധ കേന്ദ്രങ്ങളിൽ ജൂൺ​ എ​ട്ടി​ന് പ്രവേശന പരീക്ഷ നടത്തും. ​കേ​ര​ള​ത്തി​ൽ കോ​ഴി​ക്കോ​ട്, ക​ണ്ണൂ​ർ, കൊ​ച്ചി, കോ​ട്ട​യം, തൃ​ശൂ​ർ, തി​രു​വ​ന​ന്ത​പു​രം, കൊ​ല്ലം, പാ​ല​ക്കാ​ട് ജില്ലകളിൽ പരീക്ഷ കേന്ദ്രങ്ങളുണ്ട്.

വിവിധ കോഴ്‌സുകൾ

ബിരുദം 

* ബിടെക്: മറൈൻ എൻജിനീയറിങ് (4 വർഷം)
* നേവൽ ആർക്കിടെക്ചർ & ഓഷൻ എൻജിനീയറിങ് (4 വർഷം)
* ബിഎസ്‌സി നോട്ടിക്കൽ സയൻസ് (3 വർഷം)
* ബിബിഎ (3 വർഷം, ലോജിസ്റ്റിക്സ്, റീട്ടെയ്‌ലിങ്, ഇ–കൊമേഴ്സ്)

ബിരുദാനന്തര ബിരുദം 

* എംടെക് (2വർഷം, നേവൽ ആർക്കിടെക്ചർ & ഓഷൻ എൻജിനീയറിങ് / ഡ്രജിങ് & ഹാർബർ എൻജിനീയറിങ്)
* എംടെക് മറൈൻ എൻജിനീയറിങ് മാനേജ്മെന്റ് (2 വർഷം)
* എംബിഎ (2 വർഷം, ഇന്റർനാഷനൽ ട്രാൻസ്പോർട്ടേഷൻ & ലോജിസ്റ്റിക്സ് മാനേജ്മെന്റ്)
* എംബിഎ (2 വർഷം, പോർട്ട് & ഷിപ്പിങ് മാനേജ്മെന്റ്)

ഡിപ്ലോമ 

* പിജി ഡിപ്ലോമ ഇൻ മറൈൻ എൻജിനീയറിങ് (1 വർഷം)
* ഡിപ്ലോമ ഇൻ നോട്ടിക്കൽ സയൻസ് (1 വർഷം)

ഓൺലൈൻ രജിസ്ട്രേഷൻ 

* ഔദ്യോഗിക വെബ്സൈറ്റ് സന്ദർശിക്കുക (https://www(dot)imu(dot)edu(dot)in/).
* Online Registration' എന്ന ലിങ്കിൽ ക്ലിക്ക് ചെയ്ത് ആവശ്യമായ വിവരങ്ങൾ പൂരിപ്പിക്കുക 
* നിങ്ങൾക്ക് പരീക്ഷ എഴുതാൻ ആഗ്രഹിക്കുന്ന പരീക്ഷാ കേന്ദ്രം തിരഞ്ഞെടുക്കുക.
* ഓൺലൈൻ പേയ്മെന്റ് ഗേറ്റ്‌വേ വഴി അപേക്ഷാ ഫീസ് അടയ്ക്കുക.
* നിങ്ങളുടെ ഫോട്ടോയും ഒപ്പും നിശ്ചിത ഫോർമാറ്റിൽ അപ്‌ലോഡ് ചെയ്യുക.
* അപേക്ഷ ഫോം സമർപ്പിക്കുക